Hissə 6
İsanın doğulmasından ölümünədək
Allah, Cəbrayıl mələyi Məryəm adlı gözəl bir qızın yanına göndərir. Mələk qıza deyir ki, onun bir uşağı olacaq və əbədiyyən Padşahlıq edəcək. Adı İsa olan həmin uşaq tövlədə doğulur. Çobanlar onu görməyə gəlirlər. Daha sonra bir ulduz münəccimləri şərqdən körpənin qaldığı yerə gətirir. Biz ulduzun kimin tərəfindən hərəkətə gətirildiyi və İsanın ölüm təhlükəsindən necə qorunduğu haqqında öyrənəcəyik.
Sonra biz 12 yaşlı İsanı məbəddə müəllimlərlə danışarkən tapırıq. Bundan 18 il sonra İsa vəftiz edilib Allahın tapşırdığı işə — Padşahlıq haqqında xoş xəbəri təbliğ etməyə və insanları öyrətməyə başlayır. İsa bu işdə ona kömək etmək üçün 12 kişi seçib, onları öz həvarisi edir.
İsa bir çox möcüzələr də edir. O, minlərlə adamı bir neçə balıq və çörəklə doydurur, xəstələri sağaldır, hətta ölüləri dirildir. Axırda, ömrünün sonuncu günü İsa ilə nə baş verdiyi və necə öldürüldüyü haqqında da oxuyacağıq. İsa üç il yarım təbliğ etmişdi, bu səbəbdən də ALTINCI HİSSƏ 34 ildən bir qədər çox vaxtı əhatə edir.
BU BÖLMƏDƏ
HEKAYƏ 84
Mələk Məryəmin yanına gəlir
O, Allahdan xəbər gətirir: Məryəm dünyaya uşaq gətirəcək və bu uşaq əbədi padşah olacaq.
HEKAYƏ 86
Ulduz yol göstərir
İsanı tapmağa münəccimlərə kim kömək etdi? Bu sualın cavabı sizi təəccübləndirəcək.
HEKAYƏ 87
Balaca İsa məbəddə
O hətta məbəddə təlim verən yaşlı kişiləri də heyrətləndirdi. Bəs necə?
HEKAYƏ 88
Yəhya İsanı vəftiz edir
Yəhya günahkar insanları vəftiz edirdi, İsa isə heç vaxt günah etməmişdi. Bəs onda niyə Yəhya İsanı vəftiz edir?
HEKAYƏ 90
Quyu başında qadınla söhbət
İsanın təklif etdiyi su qadının susuzluğunu birdəfəlik necə yatızdıra bilərdi?
HEKAYƏ 91
İsa dağda öyrədir
Onun Dağüstü təbliğində söylədiyi və öz dəyərini itirməyən hikmətli sözlərindən dərs götür.
HEKAYƏ 92
İsa ölüləri dirildir
Allahın gücü vasitəsilə İsa iki sadə söz deyərək Yairin qızını dirildir.
HEKAYƏ 94
İsa uşaqları sevir
İsa həvarilərini öyrədirdi ki, onlar uşaqlar haqda nəinki çox şey öyrənməlidirlər, həmçinin onlardan nümunə götürməlidirlər.
HEKAYƏ 95
İsa hekayələrlə öyrədir
İsa Məsihin xeyirxah samariyalı haqda çəkdiyi məsəl onun ən çox istifadə etdiyi təlim üsuluna bariz nümunədir.
HEKAYƏ 97
İsa Yerusəlimə padşah kimi girir
Böyük izdiham onu qarşılayır, ancaq buna sevinməyənlər də var.
HEKAYƏ 99
Üst mərtəbədəki otaqda
Nəyə görə İsa peyğəmbər şagirdlərinə bu xüsusi yeməyi hər il yeməyi buyurur?