Əyyub 37:1—24
37 Buna görə ürəyim çırpınır,Bərk döyünür.
2 Onun səsinin gurultusuna,Ağzından çıxan ildırıma qulaq as!
3 Onu səma altında açıb buraxır,Şimşəyini+ yerin dörd tərəfinə göndərir.
4 Sonra gurultu qopur.O, möhtəşəm səsi ilə guruldayır,+Səsi eşidiləndə qarşısını almır.
5 Allahın səsi gurlayır,+ heyrət doğurur,O, dərkedilməz, əzəmətli işlər görür.+
6 Allah qara: “Yerə yağ!”+
Leysana: “Gur-gur yağ!” — deyir.+
7 Bütün bəşərin işini dayandırır ki,Hamı Onun işlərini öyrənsin.
8 Vəhşi heyvanlar öz yuvasına girir,Orada qalır.
9 Tufan otağından çıxıb əsir,+Soyuğu şimal küləyi gətirir.+
10 Allah üfürür, buz yaranır,+Əngin sular buz bağlayır.+
11 Buludları rütubətlə yükləyir,Şimşəyini buludlara yayır.+
12 Buludlar yönəltdiyi səmtə burulurlar,Yer üzündə Onun əmrini icra edirlər.+
13 Bunu ya cəza üçün,+ ya torpaqdan ötrü,Ya da xeyirxahlıq naminə edir.+
14 Əyyub, qulaq as,Bir dayan, Allahın xariqüladə işlərinə yaxşı-yaxşı fikir ver.+
15 Bilirsən, Allah buludlara necə nəzarət edir?Şimşəyi onların arasından necə çaxdırır?
16 Buludlar səmada necə süzür?+
Bunlar kamil bilik Sahibinin xariqələridir!+
17 Cənub küləyi yer üzünə sükunət gətirəndəPaltarların nə üçün qızır?+
18 Sərt mis güzgüyə bənzəyən səmanıOnunla birlikdə döyüb yaya bilərsən?+
19 Söylə, Ona nə deyək?Qaranlıqdayıq, söz tapa bilmirik.
20 Məgər Ona deyilməlidir ki, mənim Ona sözüm var?
İnsan elə bir vacib şey deyib ki, Ona çatdırılsın?+
21 İşıq* səmada bərq vurur,Ancaq külək əsib buludları qovmayıncaİnsanlar onu görmür.
22 Şimaldan qızılı şəfəqlər saçır.Allahın ehtişamı+ heyrət doğurur.
23 Qüdrət Sahibi dərkedilməzdir,+Gücü möhtəşəmdir,+O, haqqı, ədaləti heç vaxt pozmaz.+
24 Buna görə qoy insanlar qorxsun Ondan!+
O, özünü ağıllı sayanları bəyənmir».+
Haşiyələr
^ Yəni günəşin şəfəqi.
