Birinci Padşahlar 5:1—18
5 Sur+ padşahı Hiram Süleymanın məsh edilib atasının yerinə padşah olduğunu eşidəndə öz əyanlarını onun yanına göndərdi. Hiram Davudun xətrini çox istəyirdi.+
2 Süleyman da Hirama xəbər göndərdi:+
3 «Sənə məlumdur ki, atam Davud Yehovanın adına ev tikə bilmədi, çünki Yehova düşmənləri ona məğlub edənəcən onlar hər yandan onunla müharibə edirdilər.+
4 İndi Allahım Yehova mənə hər tərəfdən dinclik verib.+ Heç bir müqavimət, əngəl yoxdur.+
5 Buna görə də Yehovanın atam Davuda vəd etdiyi kimi, Allahım Yehovanın adına ev tikmək istəyirəm. O demişdi: “Mənim adıma evi sənin yerinə taxta çıxaracağım oğlun tikəcək”.+
6 İndi adamlarına buyur, mənim üçün Livandan sidr ağacları kəssinlər.+ Mənim xidmətçilərim səninkilərlə birlikdə işləyər, mən də sənin xidmətçilərinə təyin etdiyin məbləğdə zəhmət haqqı verərəm. Sən bilirsən ki, bizdə sidonlular kimi ağac kəsməyi bacaran yoxdur».+
7 Hiram Süleymanın təklifini eşidəndə çox sevindi və dedi: «Yehovaya alqış olsun! O, bu böyük xalqa rəhbərlik eləmək üçün Davuda hikmətli oğul verib!»+
8 O, Süleymana xəbər göndərdi: «Təklifini aldım. İstəyini yerinə yetirib sənə sidr və ardıc ağacları yollayacağam.+
9 Xidmətçilərim onları Livandan dənizə gətirər, mən onlardan sallar düzəldib dənizlə dediyin yerə göndərərəm. Orada onları ayıraram, sən də daşıyarsan. Bunun əvəzində ev əhlimi istədiyim ərzaqla təmin edərsən».+
10 Beləcə, Hiram Süleymana istədiyi qədər sidr və ardıc ağacı verdi.
11 Süleyman da Hiramın ev əhli üçün 20 000 kor* buğda və 20 kor xalis zeytun yağı göndərdi. Süleyman Hirama hər il bunları verirdi.+
12 Yehova vəd etdiyi kimi, Süleymana hikmət verdi.+ Hiramla Süleyman sülhdə idilər, onlar saziş bağlamışdılar.
13 Süleyman padşah bütün İsraildən adamlar toplayıb üzərlərinə mükəlləfiyyət qoydu; 30 000 adam toplandı.+
14 Süleyman hər ay onlardan on minini növbə ilə Livana göndərirdi. Onlar bir ay Livanda, iki ay öz evlərində qalırdılar. Əduniram+ mükəlləfiyyətlilərin nəzarətçisi idi.
15 Süleymanın 70 000 fəhləsi, dağlarda 80 000 daş kəsən+ işçisi var idi.+
16 Həmçinin Süleymanın bu adamlara nəzarət edən 3300 məmuru var idi.+
17 Padşahın əmrinə əsasən, evin təməlini+ yonulmuş daşlardan+ qoymaq üçün onlar böyük və bahalı daşları+ qazıb çıxarırdılar.
18 Süleymanın və Hiramın inşaatçıları, həmçinin geballılar+ daşları kəsir, evi tikmək üçün şalban və daşlar hazırlayırdılar.
Haşiyələr
^ B14 əlavəsinə bax.
