İkinci Salnamələr 27:1—9
-
Yəhuda padşahı Yutəm (1—9)
27 Yutəm+ taxta çıxanda iyirmi beş yaşında idi və on altı il Yerusəlimdə hakimiyyət sürdü. Onun anası Sadığın qızı Yərusə idi.+
2 O, atası Üziyyə kimi, Yehovanın bəyəndiyi işləri görürdü.+ Ancaq o, Yehovanın məbədinə girmədi.+ Xalq isə hələ də mənfur işlər görürdü.
3 O, Yehovanın evinin yuxarı darvazasını+ tikdi, Ofel+ divarının üzərində çoxlu tikinti işləri gördü.
4 Yəhuda dağlıq bölgəsində də şəhərlər saldı,+ meşəlik yerlərdə istehkamlar+, qalalar tikdi.+
5 Yutəm əmunilərin padşahı ilə müharibə etdi+ və əmunilərə üstün gəldi. Əmunilər ona həmin il 100 talant* gümüş, 10 000 kor* buğda və 10 000 kor arpa xərac verdilər. Əmunilər ona ikinci və üçüncü il də bu miqdarda xərac verdilər.+
6 Yutəm get-gedə daha da güclənirdi, çünki o, Allahı Yehovanın önündə düzgün əməl sahibi idi.
7 Yutəmin qalan işləri, etdiyi müharibələr və onun əməlləri İsrail və Yəhuda padşahlarının kitabında yazılıb.+
8 O, iyirmi beş yaşında taxta çıxdı və on altı il Yerusəlimdə hakimiyyət sürdü.+
9 Yutəm ata-babalarına qovuşdu, onu Davud şəhərində+ dəfn etdilər. Oğlu Əhəz onun yerinə taxta çıxdı.+
