Hakimlər 2:1—23
2 Yehovanın mələyi+ Gilqaldan+ Buhimə gəlib dedi: «Mən sizi Misirdən çıxartdım, ata-babalarınıza and içib söz verdiyim diyara gətirdim.+ Üstəlik, dedim: “Sizinlə kəsdiyim əhdi heç vaxt pozmayacağam.+
2 Siz də bu torpağın sakinləri ilə əhd bağlamayın,+ onların qurbangahlarını darmadağın edin”.+ Ancaq siz sözümü qulaqardına vurdunuz.+ Niyə belə etdiniz?
3 Buna görə də deyirəm: “Onları önünüzdən qovmayacağam,+ onlar sizin üçün tor,+ allahları isə tələ olacaq”».+
4 Yehovanın mələyi bu sözləri israillilərə deyəndə xalqın arasında şivən qopdu.
5 Buna görə də o yeri Buhim* adlandırdılar. Xalq orada Yehovaya qurban gətirdi.
6 Yuşə xalqı yola saldı. Hər kəs öz torpaq payını tutmaq üçün irsinə getdi.+
7 Xalq Yuşənin dövründə, eləcə də Yuşədən sonra qalan və Yehovanın İsrail üçün etdiyi möhtəşəm işləri görən ağsaqqalların dövründə Yehovaya ibadət etdi.+
8 Yehovanın qulu Nun oğlu Yuşə yüz on yaşında vəfat etdi.+
9 Onu irs aldığı torpaqda, Əfraim dağlıq bölgəsindəki Timnat-Harəsdə,+ Caaş dağından şimalda dəfn etdilər.+
10 Bütün o nəsil ölüb əcdadlarına qovuşdu*. Onlardan sonra Yehovanı tanımayan, Onun İsrail üçün etdiyi işlərdən bixəbər olan yeni nəsil peyda oldu.
11 İsraillilər Yehovanın bəyənmədiyi pis işlər görməyə və Baallara sitayiş etməyə başladılar.+
12 Bununla da Yehovanı, onları Misirdən çıxaran atalarının Allahını atıb+ başqa allahları, ətraf xalqların allahlarını tutdular,+ onlara səcdə edib Yehovanı təhqir etdilər.+
13 Onlar Yehovanı atdılar, Baal və Əşturət bütlərinə sitayiş etdilər.+
14 Onda Yehovanın israillilərə qəzəbi kükrədi, onları talançıların basqınına məruz qoydu.+ Onları ətrafdakı yağılara verdi*+ və xalq düşmənlərin qarşısında aciz qaldı.+
15 Hara gedirdilərsə, Yehovanın əli onlara qarşı qalxırdı. Yehova necə demişdi və Yehova necə and içmişdi,+ elə də edirdi, onların başına bəlalar gətirirdi.+ Xalq zülm çəkirdi.+
16 Buna görə Yehova hakimlər göndərirdi. Onlar da xalqı basqınçıların əlindən qurtarırdı.+
17 Ancaq xalq hakimlərə də qulaq asmırdı. Başqa allahlara sitayiş edərək Allaha xəyanət edirdi. İsraillilər Yehovanın əmrlərinə tabe olan əcdadlarının+ yolundan tez sapdılar, ata-babalarına oxşamadılar.
18 Yehova onlara hakimlər göndərirdi.+ Yehova hakimlərin hər birinə dayaq olur, onların dövründə xalqı düşmənlərdən qurtarırdı. Çünki zülmkarların və zalım qaniçənlərin əlindən xalqın etdiyi fəryad+ ərşə qalxanda Yehovanın onlara yazığı gəlirdi*.+
19 Amma elə ki hakim ölürdü, xalq başqa allahlara üz tutub onlara sitayiş edərək atalarından da beşbetər davranırdı.+ Onlar öz əməllərindən və inadlarından əl çəkmirdilər.
20 Axırda Yehovanın İsrailə qəzəbi alovlandı+ və O dedi: «Madam ki bu xalq ata-babaları ilə bağladığım əhdi pozdu,+ Mənim itaətimdən çıxdı,+
21 Mən də Yuşənin ölümündən sonra qalan xalqların heç birini onların önündən qovmayacağam.+
22 Bununla İsraili sınaqdan keçirəcəyəm, görüm onlar ataları kimi, Yehovanın yolu ilə gedəcəklər, ya yox».+
23 Beləliklə, Yehova bu xalqları dərhal qovmayıb saxladı, onları Yuşəyə təslim etmədi.
Haşiyələr
^ Mənası: ağlaşanlar.
^ İbranilərdə ölümü bədii dillə təsvir edən ifadə.
^ Hərfən: satdı.
^ Yaxud Yehova təəssüf edirdi.