Huşə 5:1—15
-
Əfraim və Yəhudaya hökm (1—15)
5 «Ey kahinlər, eşidin!+Ey İsrail evi, diqqətlə dinlə!Ey padşah evi, qulaq as!Bu hökm sizin barədədir.Çünki siz Mispahda bir tələ,Tabur+ üzərinə sərilmiş bir torsunuz.
2 Dönüklər çoxlu qan tökdü,Hərçənd Mən onların hamısını xəbərdar etmişdim.
3 Mən Əfraimi tanıyıram,İsrailə də bələdəm.
Ey Əfraim, sən pozğunluq etdin,İsrail özünü murdarladı.+
4 Əməlləri qoymur ki, özlərinin Allahına tərəf dönsünlər,Çünki onların arasında pozğunluq ruhu var,+Yehovanı tanımaq istəmirlər.
5 İsrailin təkəbbürü özünə qarşı şəhadət edir.+İsrail və Əfraim öz günahları içində büdrəyir,Yəhuda da onlarla birgə büdrəyir.+
6 Onlar sürülərini, naxırlarını götürüb Yehovanı axtardılar,Amma tapmadılar.
Çünki Yehova onlardan uzaqlaşıb.+
7 Onlar Yehovaya xəyanət etdilər,+Bic uşaq atası oldular.
Bircə ayın içində mülkləri qarışıq onların axırına çıxacaqlar*.
8 Gibahda şeypur çalın,+ Ramada+ kərənay çalın!
Beyt-Avendə+ döyüş harayı qaldırın! Ey Binyamin, ardınca gəlirik!
9 Ey Əfraim, hökm günündə müdhiş hala düşəcəksən.+
Mən İsrail qəbilələrinə nələr olacağını bildirmişəm.
10 Yəhuda bəyləri sərhədi dəyişənlərə bənzəyir.+
Hiddətimi su kimi onların üzərinə tökəcəyəm.
11 Əfraim zülm gördü, hökmə əsasən əzildi.Çünki düşməninin ardınca getməyə qərar verdi.+
12 Mən əfraimlilərin canına güvə oldum,Yəhuda evi üçün kif oldum.
13 Əfraim xəstəlik tapanda, Yəhuda yara çıxaranda,Əfraim Aşşura+ getdi və böyük padşahın yanına qasid göndərdi.
Lakin o, sizə şəfa verə bilmədi,Yaranızı sağalda bilmədi.
14 Mən Əfraim üçün gənc aslan,Yəhuda evi üçün güclü aslan olacağam.
Onları parça-parça edib gedəcəyəm,+Onları aparacağam, əlimdən alan olmayacaq.+
15 Məskənimə qayıdacağam, onlar günahlarının cəzasını çəkənə qədər orada qalacağam.Onda Məndən lütf diləyəcəklər.+
Dara düşəndə Məni axtaracaqlar».+
Haşiyələr
^ Digər variant: bir ay mülkləri qarışıq onların axırına çıxacaq.
