Mərsiyələr 2:1—22
א [Alef]
2 Ah, Yehova qəzəbləndi, Sion qızını qara buludlarla örtdü!
İsrailin əzəmətini göydən yerə atdı.+
Qəzəb günündə kətilini yada salmadı.+
ב [Bet]
2 Yehova Yaqubun məskənlərini məhv etdi, heç birinə rəhmi gəlmədi.
Qəzəblənib Yəhuda qızının qalalarını dağıtdı.+
Padşahlığı da, başçıları+ da yerə vurdu, alçaltdı.+
ג [Qimel]
3 Qızğın qəzəbi ilə İsrailin bütün gücünü məhv etdi,
Düşmən gələndə üstümüzdən sağ əlini çəkdi.+Qeyzi hər şeyi yandırıb-yaxan od kimi Yaquba qarşı alovlanırdı.+
ד [Dalet]
4 Düşməntək kamanını gərdi, yağıtək sağ əlini hazır tutdu.+Əzizlərimizi öldürdü.+
Qəzəbini alovtək Sion qızının çadırına yağdırdı.+
ה [He]
5 Yehova bizə düşmən kəsildi.+İsraili məhv etdi,
Qalalarını dağıtdı,İstehkamlarını yerlə yeksan etdi.
Yəhuda qızının fəryadını, fəğanını artırdı.
ו [Vav]
6 Çardağını bağçadakı koma kimi uçurtdu.+
Bayramına son qoydu.+
Yehova Sionda bayramı, şənbəni unutdurdu.Şiddətli qəzəbi ilə padşahı və kahini rədd etdi.+
ז [Zayn]
7 Yehova qurbangahını rədd etdi,Müqəddəs məkanından üz çevirdi,+
Qalalarının divarlarını düşmənə təslim etdi.+
Onlar Yehovanın evində bayram günündəki kimi qışqırıb-bağırdılar.+
ח [Xet]
8 Yehova Sion qızının divarını uçurmağı qət etdi.+
Ölçü ipini uzatdı.+
Dağıdıb-sökdü, əl saxlamadı.
Səddi, divarı matəmə bürüyüb.
İkisinin də taqəti kəsilib.
ט [Tet]
9 Darvazalar yerə çöküb.+
O, cəftələri qırıb, sındırıb.
Padşah da, əyanlar da xalqların arasına səpələnib.+
Qanuna əməl edən yoxdur, peyğəmbərlərə Yehovadan vəhy gəlmir.+
י [Yud]
10 Sion qızının ağsaqqalları yerdə oturub, dinib-danışmır.+
Başlarına toz-torpaq tökürlər, çula bürünüblər.+
Yerusəlim qızları başlarını yerə dikiblər.
כ [Kaf]
11 Ağlamaqdan gözlərimin nuru gedib,+
Könlüm viran qalıb,
Xalqımın qırıldığını,Şəhər meydanlarında uşaqların, körpələrin huşunu itirdiyini+ görəndə ciyərim dağlanır.+
ל [Lamed]
12 Onlar yaralı adamlar kimi, şəhər meydanlarında huşunu itirir,
Analarının qucağında can verirlər.Analarından soruşurlar: «Hanı yemək, hanı içmək?»+
מ [Mem]
13 Ey Yerusəlim qızı, sənə nəyi misal çəkim?Səni nəyə bənzədim?
Ey bakirə Sion qızı, səni kimlə müqayisə edim ki, təskinlik tapasan?
Çünki yaran dərya kimi böyükdür.+ Kim sənə şəfa verə bilər?+
נ [Nun]
14 Peyğəmbərlərin sənin üçün yalan, puç vəhylər aldı.+Sənin günahını ifşa etmədilər, etsəydilər, əsir getməzdin.+Əksinə, sənin üçün yalan vəhylər alıb, aldadıcı hökmlər bəyan etdilər.+
ס [Samex]
15 Yoldan ötənlər sənə baxıb rişxəndlə əllərini bir-birinə vururlar,+
Yerusəlim qızına təəccüblə fit çalırlar,+ başlarını yırğalayıb deyirlər:
«“Qənirsiz gözəl, dünyanın iftixarı” dedikləri şəhər budur?»+
פ [Pe]
16 Onlar üstünə ağızlarını açıblar.
Fit çalırlar, dişlərini qıcayıb deyirlər: «Onu diri-diri udduq.+
Bu günün həsrətində idik.+ Nəhayət ki, gəlib çatdı. Bu günü də gördük!»+
ע [Ayn]
17 Yehova niyyətini yerinə yetirdi,+ sözünü,+Qədimdə verdiyi fərmanı+ icra etdi.
Məhv etdi, rəhmi gəlmədi.+
Düşmənlərini sənin halına sevindirdi. Yağılarını gücləndirdi.
צ [Tsade]
18 Ey Sion qızının divarları, xalqın ürəyi Yehovaya fəryad edir.
Qoy göz yaşları gecə-gündüz sel kimi axsın.
Sakitləşmə, gözündə yaş qurumasın.
ק [Kof]
19 Qalx! Gecələr, növbələr başlayanda nalə çək,
Sutək ürəyini Yehovanın dərgahına boşalt.
Küçə tinlərində acından huşunu itirən+Övladlarından ötrü əllərini Ona aç.
ר [Reyş]
20 Bax, ey Yehova, amansız rəftar etdiyin xalqın halını gör.
Axı niyə analar bətnlərindən çıxan balalarını, dünyaya gətirdikləri körpələri yesin?+Niyə kahinlər, peyğəmbərlər Yehovanın müqəddəs məkanında qətlə yetirilsin?+
ש [Şin]
21 Cavanların, qocaların meyiti küçələrə sərilib,+
Qızlarım, oğlanlarım qılıncdan keçirilib.+
Sən qəzəb günündə qırdın, öldürdün, rəhm etmədin.+
ת [Tav]
22 Bayram gününə+ çağırırmış kimi, hər tərəfdən vahimə, dəhşət gətirdin.
Yehovanın qəzəb günündə heç kim qurtula bilmədi, canını qurtarmadı.+Dünyaya gətirdiyim, boya-başa çatdırdığım övladları düşmənim tələf etdi.+
