Amus 3:1—15
3 Ey İsrail xalqı, Yehovanın sizin haqqınızda, Misirdən çıxardığı ümmət haqqında dediyi sözləri eşidin:
2 “Dünyanın bütün xalqları arasında təkcə səni tanıdım.+
Buna görə bütün günahlarının əvəzini verəcəyəm.+
3 İki nəfər razılaşıb görüşməsə, necə birgə yol gedər?
4 Heç şikarı olmayan aslan meşədə nərə çəkər?
Şikar tapmayan gənc aslan yuvasında nərildəyər?
5 Tor yerə sərilməsə*, ora quş düşər?
Tələyə heç nə düşməsə o, yerindən atılar?
6 Şəhərdə şeypur çalınırsa, məgər xalq titrəmir?
Şəhərdə fəlakət baş verirsə, məgər bu, Yehovadan deyil?
7 Külli-İxtiyar YehovaQulu peyğəmbərlərə sirrini açmamış heç nə etməz.+
8 Aslan nərə çəkdi!+ Kim qorxmaz?
Külli-İxtiyar Yehova danışdı! Kim peyğəmbərlik etməz?”+
9 “Aşdodun qalalarında,Misir diyarının qalalarında car çəkib deyin:
“Səməriyyə dağlarına qarşı toplaşın.+Şəhərin içindəki qarmaqarışıqlığa,Fırıldaqçılığa baxın!+
10 Dürüstlük nədir bilmirlər,Qalalarını zorakılıqla, viranəliklə doldururlar”, — deyə bəyan edir Yehova.
11 Buna görə Külli-İxtiyar Yehova deyir:“Düşmən ölkəni mühasirəyə alacaq,+Səni taqətdən salıbQalalarını qarət edəcək”.+
12 Yehova bəyan edir:“Çoban aslanın ağzından iki ayağı və qulağın bir tikəsini çəkib aldığı kimi,Səməriyyədə bər-bəzəkli taxtlarda,Gözəl divanlarda yayxanan İsrail xalqı da düşmən əlindən bu cür alınacaq”.+
13 Ordular Allahı, Külli-İxtiyar Yehova bəyan edir: “Eşidin və Yaqub evini xəbərdar edin.
14 Asiliyinə* görə İsraillə haqq-hesab çəkəcəyim gün+Beyteldəki qurbangahlara+ görə də haqq-hesab soracağam;Qurbangahın buynuzları kəsilib yerə düşəcək.+
15 Mən qış evini də, yay evini də dağıdacağam”.
“Şirmayı evlər yıxılacaq,+İmarətlər* viran qalacaq”,+ — bəyan edir Yehova.
