Hizqiyal 15:1—8
-
Yerusəlim yararsız meynədir (1—8)
15 Mənə yenə Yehovanın sözü nazil oldu:
2 «Ey bəni-adəm, axı meşə ağacları ilə, hətta ağacların budaqları ilə müqayisədə meynə nədir?
3 Heç ondan bir işə yarayan çubuq çıxar? Kim bir şey asmaq üçün ondan asqı düzəldər?
4 Onu odun kimi ocağa atırlar. Ucları od tutub yanır, ortasını alov qarsıdır. İndi o, hansısa işə yarayır?
5 Hələ salamat ikən heç bir işə yaramırdısa, alov onu qarsıdıb yandırandan sonra nə işə yarayacaq?»
6 «Odur ki, Külli-İxtiyar Yehova belə deyir: “Necə ki meşə ağacları içindən meynəni ocağa atmaq üçün vermişəm, Yerusəlim əhli ilə də eyni şeyi edəcəyəm.+
7 Üzüm onlardan dönəcək. Baxma ki, alovdan canlarını qurtarıblar, yenə də axırlarına alov çıxacaq. Üzüm onlardan dönəndə biləcəksiniz ki, Mən Yehovayam”».+
8 «Külli-İxtiyar Yehova belə bəyan edir: “Xəyanətkarlıqlarına görə+ ölkəni xarabazara döndərəcəyəm”».+
