1. Bol səxavət göstərirsən, Yehova,

Şükr eyləyirik Sənə duada.

Yalnız Sənə biz pənah aparırıq,

Nəvazişin hey duyuruq, Ata.

Biz torpaqdanıq, günah işləyirik,

Əfv diləyirik Səndən, ey Rəhman.

Öz qullarınçün fidyə ödəmisən,

Çox minnətdarıq Sənə, Yaradan.

2. Məhəbbətin və lütfün necə boldur,

Ya Rəbb, olursan bizə Sən dayaq.

Pak Kəlamdan biz Səni tanımışıq,

Yol göstərirsən düzgün yaşayaq.

Vəz eyləməkçün ruhun bəxş edirsən,

Sidq-ürəkdən minnətdarıq Sənə.

Daim sevinclə adın zikr edirik,

Həmdi-şükran ucalsın şəninə.