Bu vəziyyət sənə tanışdır? Ola bilsin ki, sən gözünü açandan Müqəddəs Kitabın bu sözlərinə inanmısan: «Allah göyləri və yeri yaratdı» (Yaradılış 1:1). Ancaq insanlar inandırmağa çalışırlar ki, yaradılış əfsanədir, təkamül isə faktdır. Sən onlara inanmalısan? Təkamülü təkzib etməyə əsas var?

•  Təkamülü təkzib etməyə əsas verən 2 səbəb

•  Düşünmək üçün suallar

•  Həmyaşıdların nə deyir?

1.   Alimlər təkamül məsələsində həmfikir deyillər. Onilliklərdir aparılan tədqiqatlara baxmayaraq alimlərin təkamüllə bağlı verdikləri izahatlarda yekdillik yoxdur.

    Fikirləş: Əgər alimlər təkamül məsələsində razılığa gələ bilmirlərsə, halbuki onlar bu işin mütəxəssisləri sayılır, sənin bu təlimi təkzib etməyində səhv nəsə var? (Məzmur 10:4)

2.   Nəyə inandığın vacibdir. Zakari adlı bir oğlan deyir: «Əgər həyatımız, kainatımızdakı hər şey təsadüf nəticəsində yaranıbsa, onda heç nəyin mənası yoxdur». Onun dedikləri məntiqlidir. Əgər təkamül düzdürsə, onda həyatın məqsədi yoxdur (1 Korinflilərə 15:32). Ancaq, yaradılış həqiqətdirsə, onda həyatın məqsədi var və gələcəklə bağlı suallara qaneedici cavablar tapa bilərik (Yeremya 29:11).

    Fikirləş: Təkamül və yaradılış haqda həqiqəti bilmək həyatını necə dəyişə bilər?

 İDDİA. «Kainatdakı hər şey təsadüfən baş verən böyük partlayış nəticəsində yaranıb».

•   Böyük partlayışa kim və ya nə səbəb olub?

•   Hansı daha məntiqlidir? Hər şeyin yoxdan var olması, yoxsa nədənsə və ya kimsə tərəfindən yaranması?

 İDDİA. «İnsanlar heyvanlardan əmələ gəlib».

•   Əgər insanlar heyvanlardan əmələ gəlibsə, məsələn, meymundan, onda niyə insanların zehni qabiliyyəti ilə meymunun zehni qabiliyyəti arasında dağlar qədər fərq var? a

•   Niyə hətta ən «sadə» həyat forması belə heyrətamiz şəkildə mürəkkəb quruluşa malikdir? b

 İDDİA. «Təkamül sübut olunub».

•   Bunu iddia edən insan özü sübutları araşdırıb?

•   Sırf ziyalı insanlar təkamülə inandıqlarını dedikləri üçün təkamülə inanan nə qədər insan var?