Dindaşlarımız 6—18 oktyabr tarixlərində Argentinanın Buenos-Ayres şəhərində keçirilən 2018 Yeniyetmələrin Yay Olimpiya Oyunları zamanı xüsusi ictimai şahidlik kampaniyası təşkil etdi.

Builki Yeniyetmələrin Yay Olimpiya Oyunlarında 206 ölkədən gələn 4000-dən çox atlet iştirak etmişdi. Bu oyunlar 15—18 yaş arası yeniyetmə atletlər üçün dünyanın ən böyük multi-idman tədbiri hesab olunub. Ona görə də Yehovanın Şahidlərinin şəhərə gələn çoxlu beynəlxalq atletlərə və qonaqlara Müqəddəs Kitab xəbərini çatdırmaq imkanları olmuşdu. Bu kampaniyada 6400-dən artıq Yehovanın Şahidi iştirak etmişdi. Dindaşlarımız təxminən 100 yerdə 390 ədəbiyyat arabası yerləşdirmişdi.

Bu tədbir gənclər üçün təşkil olunduğundan qardaşlar «Gənclərin sualları. Praktiki məsləhətlər» kitabının cildlərini və «Gənclərin 10 sualına cavab» broşürünü sərgiləmişdi. Nəşrlər ərəb, ingilis, fransız, alman, portuqal, rus, ispan, Koreya, Çin dilləri və Argentina jest dili də daxil olmaqla, çoxlu dillərdə əlçatan idi. Kampaniya boyunca hər gün orta hesabla 790 nəşr paylanılırdı.

Kampaniyada iştirak edən bacı-qardaşlar sevinirlər ki, Müqəddəs Kitabın ümidverici xəbərini gənclərlə yanaşı, yaşlılarla da bölüşə biliblər (Zəbur 110:3).