2020-ci il 11 və 12 yanvar tarixlərində ABŞ-ın Cənubunda və Orta qərbində kəskin hava şəraiti hökm sürüb. İki gün ərzində yağan şiddətli leysan yağışları, kəskin küləklər və çoxsaylı tornadolar bir çox ştatlara ciddi ziyan vurub. Əfsuslar olsun ki, 85 yaşlı Albert Barnet qardaş və onun 75 yaşlı yoldaşı Syuzan bacı tornado səyyar evlərini dağıdan zaman həlak olublar.

ABŞ filialının verdiyi məlumata görə, qardaşlarımızın yaşadığı ən azı dörd evə və iki ibadət evinə cüzi ziyan dəyib. Kəskin küləklər bir qardaşımızın biznes əmlakına da ciddi ziyan vurub.

Yerli ağsaqqallar və rayon nəzarətçisi zərərçəkənlərə hər cür yardım göstərir. Şübhə yoxdur ki, səmavi Atamız Yehova bu fəlakət ucbatından yas içində olan bacı-qardaşlara təsəlli verir (Zəbur 34:18).