8 avqust 2023-cü il tarixində ABŞ-da, ikinci ən böyük Havay adası olan Maui adasında meşə yanğınları başlayıb. Okeanda baş qaldıran güclü qasırğa yanğının sürətlə yayılmasına səbəb olub. Yanğınlar kommunikasiya vasitələrini, evləri və iş yerlərini dağıdıb. Yerli hakimiyyət orqanları bəzi ərazilərdə insanların təxliyə olunmasına göstəriş verib. Məlumata əsasən ən azı 97 nəfər həyatını itirib. Yanğınsöndürənlər Havaydakı Böyük Adada kiçik meşə yanğınlarını da söndürməyə çalışır.

Aşağıdakı məlumatlar yerli qardaşların çatdırdığı ilkin məlumatlara əsaslanır.

• Əfsuslar olsun ki, yanğın nəticəsində bir yaşlı qardaşımız həyatını itirib.

• 307 təbliğçi təxliyə olunub və ya evlərini tərk etməli olub.

• 42 ev dağılıb.

• 2 evə ciddi ziyan dəyib.

• 38 evə cüzi ziyan dəyib.

• 1 ibadət evinə cüzi ziyan dəyib.

• Rayon nəzarətçiləri və ağsaqqallar zərərçəkənlərə ruhani və əməli yardım göstərir.

• Yardım işlərinə nəzarət etmək üçün Zərərçəkənlərə yardım komitəsi təyin olunub.

Bu son günlərdə çoxlu insanlar, eləcə də dindaşlarımız təbii fəlakətlər ucbatından ciddi problemlərlə üzləşir. Allahın Padşahlığının tezliklə bütün təbiət qüvvələrini ram edəcəyi günün həsrətindəyik (Mark 4:39).