14 noyabr 2019-cu il tarixində Santa-Klaritada (ABŞ, Kaliforniya) məktəblərin birində yuxarı sinif şagirdi sinif yoldaşlarına atəş açıb. İki şagird həlak olub, üç nəfər isə yaralanıb. Bundan sonra o, özünə atəş açıb.

Əfsuslar olsun ki, həlak olan şagirdlərdən biri bacımızın oğlu Dominik Blekveldir. Onun 14 yaşı var idi və o, anası Nensi Blekvellə birgə müntəzəm olaraq yığıncaqlara gəlirdi. Dominik ailənin böyük övladı idi. Ondan başqa, ailədə daha üç uşaq var. Ağsaqqallar onun ailəsinə və yığıncaq üzvlərinə Müqəddəs Kitabdan təsəlli verir və dəstək olurlar.

Bu faciəvi xəbər bizi çox kədərləndirir. Biz Allahın insanların gözlərindən bütün yaşları siləcəyi, ölümün, dərd, fəryad və ağrının olmayacağı vaxtı böyük həsrətlə gözləyirik (Vəhy 21:4).