1922-ci ildə Sidar-Pointdə (Ohayo, ABŞ) keçirilmiş toplantı Yehovanın Şahidləri üçün çox əlamətdar bir toplantı idi. Çünki toplantıda Ruterford qardaş hər kəsi Padşahlıq haqda xəbəri müjdələməyə səsləmişdi.

Toplantını xüsusi edən səbəblərdən biri də o idi ki, toplantı videoyazıya alınmışdı. Lakin bu videoyazı indiyədək tapılmayıb.

1922-ci ilin sentyabrında keçirilən bu beynəlxalq toplantıda çəkilən bir şəkildə görünür ki, bu tarixi toplantının bəzi hissələri kamera ilə videoyazıya alınıb. Bu, həmin dövr üçün yeni bir şey idi.

Görünür, bu videoyazıya bir çox insan baxa bilmişdi. Məsələn, bir qəzet bu filmin reklamını etmişdi. Orada oxucular təşviq olunurdu: «Toplantını evinizdə izləyin. Dostlarınızı görün, vəftiz nitqinə baxın». Həmçinin insanlara təbliğ üçün belə bir tövsiyə verilmişdi: «Qonşularınızı dəvət edin və bu film vasitəsilə onlara şahidlik verin. Elə indi sifariş edin».

Əgər bu filmin nüsxəsi barədə məlumatınız varsa, zəhmət olmasa, MuseumDonations@jw.org ünvanına yazaraq Muzey şöbəsi ilə əlaqə saxlayın və ya Yehovanın Şahidlərinin baş idarəsinə müraciət edin. Baş idarə 1 Kings Drive, Tuxedo Park, NY 10987 ünvanında yerləşir. Yehovanın Şahidlərinin tarixində xüsusi yeri olan bu toplantının qeydə alındığı videoyazını tapacağımıza ümid edirik.