NYU–YORK. Yehovanın Şahidləri Dambo və Bruklin Hayts (Nyu–York) küçələrində yerləşən bəzi əmlaklarını satırlar. İlk öncə alıcılar Cey Strit küçəsi 85-də yerləşən Bruklinin ən böyük boş ərazilərindən birinə və Kolumbiya Hayts küçəsi 124-də yerləşən on mərtəbəli yaşayış binasına maraq göstəriblər. Kolumbiya Hayts küçəsi 25 və 30-da yerləşən baş idarənin binası da satışa çıxarılıb. Bu əmlakların üçü də Gözətçi qülləsi daşınmaz əmlak ofisi tərəfindən satışa çıxarılıb və onların ayrı-ayrılıqda satılacağı gözlənilir.

Yehovanın Şahidlərinin təmsilçisi Riçard Divayn Cey Strit küçəsi 85-də yerləşən 12542 m²-lik ərazi haqqında deyir: «Dambodakı bu ərazinin sahəsi bir kvartal boydadır və təxminən 92903 m² tikiliyə icazəsi var».

Şahidlərin Kolumbiya Hayts küçəsi 124-də yerləşən on mərtəbəli yaşayış binasının sahəsi 14121 m²-dir. O, tarixi Bruklin Hayts rayonunda okean sahilində yerləşir. Riçard Divayn deyir: «Bu tanınmış binadan Bruklin körpüsünə, Azadlıq heykəlinə və Aşağı Manhattan göydələnlərinə mənzərə açılır».

Yehovanın Şahidlərinin baş idarəsi artıq onilliklərdir ki Kolumbiya Hayts küçəsi 25 və 30-da (birinci şəkil) yerləşir. O, «Watchtower» yazısı və saatı ilə Nyu–Yorkda yaşayanların çoxuna tanışdır. Sahəsi 68098 m² olan bu binalar təxminən iki kvartal boydadır. Oradan Bruklin körpüsünə mənzərə açılır.

Riçard Divayn Şahidlərin bu böyük layihəsi haqqında danışarkən əlavə etdi: «Bu satış Yehovanın Şahidlərinin baş idarəsinin Uorvikə (Nyu–York) köçürülməsi üçün atılan növbəti addımdır».

Əmlaklar haqqında əlavə məlumatı www.watchtowerbrooklynrealestate.com saytı, müsahibələri və şəkilləri isə məlumat xidməti vasitəsilə əldə edə bilərsiniz.

Əlaqə üçün:

Məlumat xidməti: Devid A. Simonian, tel.: +1 718 560 5000