Yanğınsöndürənlər Cənubi Kaliforniyada altı meşə yanğınını söndürməyə davam edir. Bu yanğın Los-Anceles, Riversayd, San-Diyeqo, Santa-Barbara və Ventura dairələrində 100000 hektardan çox ərazini artıq məhv edib.

İlkin hesabatlara əsasən, 484 təbliğçi evlərindən evakuasiya edilib, onların əksəriyyətinə təhlükəsiz ərazidə yaşayan yerli bacı-qardaşlar və ya ailə üzvləri tərəfindən yardım göstərilib. Üstəlik, qardaşlarımıza məxsus altı ev tamamilə sıradan çıxıb, digər üç evə isə ziyan dəyib. Ağsaqqallar və rayon nəzarətçiləri zərər çəkən bacı-qardaşlarımıza Müqəddəs Kitab vasitəsilə təsəlli verir və praktiki yardım göstərirlər.

Biz bacı-qardaşlarımız üçün dua edirik və Məsəllər 1:33 ayəsindəki sözlərin yerinə yetəcəyi günü səbirsizliklə gözləyirik: «Məni dinləyən isə əmin-amanlıqda yaşayacaq, fəlakət qorxusu bilməyəcək».

Əlaqə üçün:

Beynəlxalq məlumat xidməti: Deyvid Semonian, İctimai əlaqələr şöbəsi, tel.: +18455243000