30 aprel 2023-cü il tarixində Koreya filialındakı 30 illik yaşayış binasının təmiri başa çatdı. Beytelin yeməkxanasında və eləcə də 62 yaşayış evində təmir işi aparıldı. Məqsəd enerji səmərəliliyini artırmaq, evləri daha təhlükəsiz və rahat vəziyyətə gətirmək idi. Kömək edən 170 könüllü bacı-qardaşın 71 nəfəri heç vaxt teokratik tikinti layihələrində iştirak etməmişdi. Aldıqları təlimi tətbiq etdikdən və Koreya Beytelində təmir işlərini bitirdikdən sonra 40-dan çox bacı-qardaş başqa ölkələrdə teokratik tikinti layihələrində işləməyə yararlı bilindi.

Kim Ha-yeon bacı deyir: «Koreya filialının təmiri layihəsində aldığım gözəl təlim sayəsində öyrəndiyim bacarıqları indi İndoneziya filialındakı tikinti layihəsində istifadə edə bildiyim üçün çox şadam».

Koreya filialının təmiri layihəsində işləyən Li Myong-Hun qardaş deyir: «Bu layihədə işlədiyim müddətdə çoxlu bacarığa yiyələndim. Gördüyüm iş çətin idi, lakin təşkilatın təhlükəsizlik qaydaları və aldığım təlim onu yerinə yetirməyi asanlaşdırdı». Qardaş hal-hazırda Filippin filialındakı tikinti layihəsində sevinclə xidmət edir.

Koreya filialının təmiri başa çatdığına görə çox sevinirik. Layihədə iştirak edən bütün könüllülərin, o cümlədən başqa teokratik tikinti layihələrində xidmət edən bacı-qardaşların imandan irəli gələn işlərini, məhəbbətlə çəkdikləri zəhməti görəndə ürəyimiz minnətdarlıqla aşıb-daşır (1 Salonikililərə 1:3).