Heç on il olmaz ki, Çilidə ikinci dəfə dəhşətli meşə yanğınları baş qaldırıb. 2023-cü ilin fevral ayından bəri ölkədə 300-dən çox aktiv yanğın ocağı müəyyən olunub. Yanğın ocaqlarının təxminən 20 faizi hələ də sönməyib. Yanğınlar Araukaniya, Bio-bio və Nyuble vilayətlərində 430 000 hektardan çox ərazini viran qoyub. Məlumatlara əsasən, ölkənin infrastrukturuna, magistral yollara və xəstəxanalara ciddi ziyan dəyib. Ən az 6000 nəfər yanğından zərər görüb, 1500-dən çox ev dağılıb. Məlumata əsasən, 25 nəfər həyatını itirib.

• Bacı-qardaşlar arasında ölən yoxdur.

• 222 təbliğçi təxliyə edilib; 76 təbliğçi evinə qayıda bilmir.

• 18 ev dağılıb.

• İbadət evlərinə zərər dəyməyib.

• Rayon nəzarətçiləri və yerli ağsaqqallar fəlakətdən zərər çəkən bacı-qardaşlara ruhani yardım göstərir.

• Yardım işlərinin təşkili üçün Zərərçəkənlərə yardım komitəsi təyin edilib.

Bu çətin günlərdə bacı-qardaşlarımız əmin ola bilərlər ki, «hər dərdimizdə bizə təsəlli» verən Allahımız Yehova onlara dayaq olacaq (2 Korinflilərə 1:4).