27 sentyabr 2022-ci il tarixində Kubada güclü dağıntılar törədən «İan» qasırğası növbəti gün 4-cü kateqoriyalı qasırğa kimi Florida ştatının cənub-qərbinə çatıb. Bu, Birləşmiş Ştatların tarixində ən güclü qasırğalardan biri olub. Küləyin sürəti saatda 240 kilometrə çatıb. Qasırğa məhəllələri, yolları, körpüləri dağıdıb, elektrik enerjisinin kəsilməsinə səbəb olub. Ştatdan Atlantik okeanına doğru hərəkət edən qasırğa keçdiyi əraziləri suya qərq edib. Sonra isə qasırğa Cənubi Karolina ştatının sahillərinə qədər gəlib çıxıb.

Dağıdıcı qasırğa ucbatından Florida ştatında 12 000-dən çox təbliğçi təxliyə olunub və ya evlərini tərk etməli olub.

Rayon nəzarətçiləri və Yerli layihə-inşaat şöbəsinin nümayəndələri qasırğadan zərər çəkənlərin dərhal köməyinə çatmaq üçün ağsaqqallarla əməkdaşlıq edir.

Kuba

• Əfsuslar olsun ki, bir qardaş həlak olub.

• 2 qardaş cüzi xəsarət alıb.

• 300 evə cüzi ziyan dəyib.

• 491 evə ciddi ziyan dəyib.

• 63 ev dağılıb.

• Yığıncaq keçirmək üçün istifadə olunan 40 yerə cüzi ziyan dəyib.

• Toplantı keçirmək üçün istifadə olunan 1 yerə cüzi ziyan dəyib.

• Toplantı keçirmək üçün istifadə olunan 3 yerə ciddi ziyan dəyib.

Florida

• Bacı-qardaşlar arasında ölən yoxdur.

• 2 təbliğçi cüzi xəsarət alıb.

• 5874 təbliğçi evlərini tərk edib.

• 1559 evə cüzi ziyan dəyib.

• 367 evə ciddi ziyan dəyib.

• 47 ev dağılıb.

• 329 ev yaşayış üçün yararlı vəziyyətə gətirilib.

• 71 ev bərpa olunub.

• Teokratik işlər üçün istifadə olunan 38 binaya cüzi ziyan dəyib.

• 1 İbadət evinə ciddi ziyan dəyib.

• 1 Toplantı zalına ciddi ziyan dəyib.

Cənubi Karolina

• Bacı-qardaşlar arasında ölən yoxdur.

• 35 təbliğçi evlərini tərk edib.

• 13 evə cüzi ziyan dəyib.

• Rayon nəzarətçiləri və yığıncaq ağsaqqalları zərərçəkənlərə həm mənəvi, həm də praktiki kömək göstərirlər.

• Floridada təxliyə olunan bacı-qardaşlara kömək etmək üçün 14 müvəqqəti yardım mərkəzi yaradılıb.

• Floridada və Kubada yardım işlərinə nəzarət etmək üçün Zərərçəkənlərə yardım komitələri təyin olunub.

• Bütün yardım işləri COVID-19 pandemiyası ilə bağlı təhlükəsizlik qaydalarına uyğun həyata keçirilir.

Bacı-qardaşlarımızın köməyi sayəsində qasırğadan zərər çəkən dindaşlarımız məzmurçunun hisslərinə şərikdirlər: «Yehovaya güvənənləri isə Onun məhəbbəti əhatə edər» (Zəbur 32:10).