9 noyabr 2022-ci il tarixində Ramapo Şəhərsalma Şurası əmlakdan istifadəyə dair qaydaların nizamlanmasında dəyişikliklər edib. Bu da, öz növbəsində, İnşaat layihə komitəsinə Ramapo layihəsi üçün xüsusi icazə almağa və tikinti layihəsinin təsdiqinə qapı açır a.

Sonuncu icazədən əvvəl podratçılar artıq Ramapoya aparan yolu genişləndirmiş və təmir etmişdilər. Tikintidə çalışan könüllülər tikinti sahəsinin yaxınlığındakı köhnə daş körpünü də artıq bərpa ediblər. Körpü bərpa zamanı həm də genişləndirilmişdi. Beləcə, böyük tikinti qurğuları, təcili yardım və yanğın maşınları körpüdən rahat keçə biləcəklər.

İnşaat layihə komitəsində xidmət edən Metyu Mordeçki qardaş deyir: «Əmlakdan istifadəyə dair qaydaların nizamlanmasında edilən sonuncu dəyişikliklər bizə imkan yaradır ki, eyni vaxtda həm xüsusi icazənin alınması, həm də tikinti layihəsinin təsdiqi üçün müraciət edək. İcazə alsaq, 2022-ci ilin dekabr ayında ərazinin təmizlənməsinə başlayacağıq».

Dua edirik ki, Yehova tikinti layihəsində çalışan bacı-qardaşların işini uğurlu etsin (Nəhəmya 1:11).