Şərqi Afrikada dağıntılara səbəb olan «Freddi» siklonu planetin bu hissəsində indiyədək qeydə alınmış ən uzunmüddətli siklondur. 2023-cü il fevral ayının əvvəlindən başlayan bu siklon bir çox ölkələrə ziyan vurub. 21 fevral 2023-cü il tarixində siklon Madaqaskarı dağıdıb, bir neçə gün sonra Mozambik Kanalından keçib, daha sonra isə Mozambik və Malaviyə zərər verib. Fırtına getdikcə güclənib və 2023-cü ilin mart ayının 11-də yenidən Mozambiki cənginə alıb. Madaqaskar, Malavi və Mozambikin bir çox əyalətləri siklonun viranedici təsirinə məruz qalıb. Bu ərazilərdə güclü küləklər və şiddətli yağışlar daşqına və evlərin dağılmasına səbəb olub, nəticədə 500-dən çox insan həyatını itirib. Təəssüf ki, onların arasında bacı-qardaşlarımız da var. Minlərlə insan evlərini tərk etməli olub.

Aşağıda 27 mart 2023-cü il tarixinədək yerli qardaşlardan aldığımız məlumatları çatdırırıq. Faktiki rəqəmlər fərqli ola bilər, çünki qardaşlar ölkənin bəzi yerlərindən hələ də dəqiq məlumat əldə edə bilməyiblər.

Madaqaskar

• 256 təbliğçi və onların ailə üzvləri evlərini tərk etməli olub.

• 8 ev dağılıb.

• 29 evə ziyan dəyib.

• 3 ibadət evinə ziyan dəyib.

Malavi

• Təəssüf ki, 8 təbliğçi həyatını itirib, 6 təbliğçi itkin düşüb.

• 3 təbliğçi xəsarət alıb.

• Azı 4300 təbliğçi və onların ailə üzvləri evlərini tərk etməli olub.

• 821 ev dağılıb.

• 174 evə ziyan dəyib.

• 20 ibadət evinə ziyan dəyib.

Mozambik

• Təəssüf ki, 1 təbliğçi həyatını itirib, 1 təbliğçi itkin düşüb.

• 880 təbliğçi və onların ailə üzvləri evlərini tərk etməli olub.

• 248 ev dağılıb.

• 185 evə ziyan dəyib.

• 7 ibadət evinə ziyan dəyib.

• Təsirə məruz qalmış əksər ərazilərə giriş-çıxış hələ də mümkünsüzdür.

• Zərərçəkənlərə yardım komitələri zərər çəkən bacı-qardaşları çadır, qida, su və digər zəruri vasitələrlə təmin edir.

• Mozambikdə Toplantı zalında müvəqqəti yerləşdirilən 167 təbliğçi və onların ailə üzvlərini qalmağa yerlə təmin etmək üçün Qaza əyalətində düşərgə yaradıldı. Yüzlərlə bacı-qardaş ibadət evlərində və şəxsi evlərdə yerləşdirildi.

• Ən az 16 ev artıq bərpa olunub.

• Filial komitəsinin üzvləri, rayon nəzarətçiləri və yerli ağsaqqallar zərər çəkən bacı-qardaşlara baş çəkir, onların nəyə ehtiyac duyduqlarını müəyyən edir və onlara təsəlli verir.

Bu keşməkeşli dönəmə baxmayaraq, zərər çəkən bacı-qardaşlar ibadət görüşlərində iştirak etməyə və bir-birlərini ruhlandırmağa davam edirlər. Biz əminik ki, Yehova bacı-qardaşlara «insan gücündən üstün olan güc» verib, onlara dözməyə kömək edəcək (2 Korinflilərə 4:7).