2024-cü il sentyabrın 11-dən başlayaraq «Boris» qasırğası özü ilə Mərkəzi Avropanın bəzi ərazilərinə güclü yağışlar və küləklər gətirdi. Sentyabrın 12-si Polşanın cənub bölgəsində 24 saatdan da az müddətdə nə az, nə çox 20 santimetr yağış yağdı. Nəticədə, bir çox kiçik şəhərləri su basdı. Dayanmadan yağan güclü yağış minlərlə insanı işıqsız qoyaraq infrastruktura ziyan vurdu. Növbəti gün, sentyabrın 13-də qasırğa nəticəsində Çexiya Respublikasının şimalında 50 santimetrdən çox yağış yağdı və evlərə, yollara və körpülərə ziyan dəydi.

Sentyabrın 14-ü Rumıniyada 25 santimetrə çatan yağışlara görə ölkənin xeyli kəndini su basdı. 5000-ə yaxın evə ziyan dəydi və Qalati ərazisində iki su bəndi uçdu. Sentyabrın 18-i «Boris» qasırğası İtaliyanın şimalından da yan keçmədi. Bir çox ərazilərdə cəmi 48 saat ərzində 30 santimetrə yaxın yağan yağışlar nəticəsində çaylar daşdı.

Bu qasırğa dörd ölkədə minlərlə insanı evlərindən didərgin saldı və ən azı 19 nəfərin ölümünə səbəb oldu.

Çexiya Respublikası

• Bacı-qardaşlar arasında ölən və yaralanan yoxdur

• 79 dindaşımız evlərini tərk edib

• 12 evə ciddi ziyan dəyib

• 2 evə cüzi ziyan dəyib

• 1 ibadət evinə ciddi ziyan dəyib

• 1 ibadət evinə cüzi ziyan dəyib

İtaliya

• Bacı-qardaşlar arasında ölən və yaralanan yoxdur

• 63 dindaşımız evlərini tərk edib

• 7 evə ciddi ziyan dəyib

• 21 evə cüzi ziyan dəyib

• 1 ibadət evinə ciddi ziyan dəyib

• 4 ibadət evinə cüzi ziyan dəyib

Polşa

• Bacı-qardaşlar arasında ölən və yaralanan yoxdur

• 87 dindaşımız evlərini tərk edib

• 61 evə ciddi ziyan dəyib

• 85 evə cüzi ziyan dəyib

• 2 ibadət evinə ciddi ziyan dəyib

• 8 ibadət evinə cüzi ziyan dəyib

Rumıniya

• Bacı-qardaşlar arasında ölən və yaralanan yoxdur

• 1 dindaşımız evini tərk edib

• 2 evə ciddi ziyan dəyib

• 5 evə cüzi ziyan dəyib

• Heç bir ibadət evinə ziyan dəyməyib

• Yardım işlərini təşkil etmək üçün 6 Zərərçəkənlərə yardım komitəsi yaradılıb

• Daşqından zərər çəkən dindaşlarımıza rayon nəzarətçiləri və ağsaqqallar əməli və ruhani yardım göstərirlər

Daşqından zərər çəkən bacı-qardaşlarımıza görə dua edirik və əminik ki, Yehova Allah onlara təsəlli verəcək və dəstək olacaq (Əşiya 40:11).