2024-ci il avqustun əvvəlində Atlantik okeanın sahillərində güclü fırtına başladı. Fırtına qısa müddətdə «Debi» qasırğasına çevrildi. 5 avqust 2024-cü ildə 1-ci kateqoriyaya çatan bu qasırğa Florida ştatının Steynhetçi (ABŞ) sahillərinə çatdı. Küləyin sürəti saatda 130 kilometr idi. Bundan əlavə, qasırğa nəticəsində 10-dan çox tornado yarandı. Güclü küləklər və şiddətli leysan yağışları yüz minlərlə evi işıqsız qoydu. ABŞ-da ən azı səkkiz nəfər həyatını itirdi.

Floridadan sonra güclü tropik qasırğaya çevrilən «Debi» qasırğası sürətini azaldaraq şimala, Kanada tərəfə üz tutdu. Cümə günü, 9 avqust 2024-cü il tarixində Kanadanın Kvebek əyalətində 24 saatdan az müddətdə yağan yağış 22 santimetrə çatdı. Sel yağışları evlərə dolub, əyalətin bəzi yerlərində infrastrukturu dağıtdı və yüzlərlə insan evlərini tərk edib təhlükəsiz ərazilərə köçməli oldu. Kanadada verilən məlumatlara görə bir nəfər həyatını itirdi.

Birləşmiş Ştatlar

• Bacı-qardaşlar arasında ölən və yaralanan yoxdur

• 1 təbliğçi xəstəxanaya yerləşdirilib

• 23 təbliğçi evini tərk edib

• 7 evə ciddi ziyan dəyib

• 60 evə cüzi ziyan dəyib

• 1 ibadət evinə cüzi ziyan dəyib

Kanada

• Bacı-qardaşlarımız arasında həyatını itirən yoxdur. Amma təəssüflə bildiririk ki, torpaq sürüşməsi nəticəsində Müqəddəs Kitabı öyrənən bir nəfər həyatını itirib

• 1 təbliğçi xəsarət alıb

• 23 təbliğçi evlərini tərk etməli olub, amma əksər dindaşımız artıq öz evinə qayıdıb

• 2 evə ciddi ziyan dəyib

• 165 evə cüzi ziyan dəyib

• Heç bir ibadət evinə ziyan dəyməyib

• Birləşmiş Ştatlardakı və Kanadadakı ağsaqqallar zərərçəkmiş ərazilərdəki bacı-qardaşlara əməli və ruhani yardım göstərirlər

• Kanadada 1 Zərərçəkənlərə yardım komitəsi təyin olunub və ehtiyaca görə lazımi işlər görülür

Bu güclü qasırğadan zərər çəkən dindaşlarımız üçün daima dua edirik və əminik ki, Yehova həmişə «dar gündə nicatımız» olacaq (Əşiya 33:2).