15 aprel 2022-ci il tarixində bütün dünyada milyonlarla insan Ağanın şam yeməyinə toplaşdı. 2019-cu ildən bəri ilk dəfə idi ki, mərasim canlı keçirilirdi. Mərasimdə canlı iştirak edə bilməyənlər ona videokonfrans vasitəsilə qoşulmuşdular.

Məsihin ölümünü anma mərasimi Yehovanın Şahidləri üçün ilin ən vacib tədbiridir. COVID-19 pandemiyasına görə son iki il ərzində mərasim onlayn keçirilmişdi. 2021-ci ildə mərasimdə 21 milyondan çox adam iştirak etmişdi.

Bəziləri ilk dəfə idi anma mərasimində canlı iştirak etmişdi. Onlardan biri Haitidə yaşayan Markenziya Remi adlı bir bacıdır. O, keçən il vəftiz olunub. Bacı deyir: «Mən çox şadam ki, ibadət evində keçirilən anma mərasiminə gələ bildim. Sevincimi ifadə etməyə söz tapmıram. Özümü böyük bir ailənin üzvü hiss etdim».

Bu il anma mərasiminin belə gözəl keçdiyinə görə Yehova Allaha minnətdarıq. Amma ən çox Yehova Allaha və Onun Oğlu İsa Məsihə məhəbbətlərinin ən böyük təzahürünə görə minnətdarıq (Yəhya 3:16).