17 noyabr 2023-cü ildə Filippinin cənubunda suyun altında 6,7 bal gücündə zəlzələ olub. Zəlzələ Mindanao adasının cənubundan təxminən 26 kilometr aralıda baş verib. Davao regionu, General-Santos şəhəri və Saranqani vilayətində dövlət binaları, məktəblər və mağazalar da daxil olmaqla müxtəlif binalar zədələnib. Zəlzələ bir çox evlərə də zərər vurub.

• Təəssüf ki, bir bacımız həyatını itirib

• 10 bacı-qardaşımız yaralanıb. Onların arasında xəstəxanaya aparılan, amma vəziyyəti stabil olan bir rayon nəzarətçisinin yoldaşı da var.

• 4 evə ciddi zərər dəyib

• 4 evə cüzi zərər dəyib

• 2 ibadət evinə cüzi zərər dəyib

• Zərərçəkənlərə kömək etmək üçün bir yardım komitəsi təşkil olunub

• Rayon nəzarətçiləri və ağsaqqallar zərərçəkənlərə kömək etmək üçün ağsaqqal ziyarətləri təşkil etməyə davam edirlər

Zəlzələdən əziyyət çəkən və onlara kömək edən bacı-qardaşlarımız üçün dua edirik. Çətin bir dövrdə yaşamağımıza baxmayaraq, qayamız Yehovanın dözməyimiz üçün bizə güc verəcəyinə əminik (1 İşmuil 2:2).