Filippinin sahillərinə çatmış «Rai» tayfunu (yerli adı «Odeti») 2021-ci il 16—18 dekabr tarixlərində ölkənin geniş ərazilərində tüğyan etmişdi. Tayfun Siarqao adasına çatanda küləyin sürəti saatda 195 kilometrə çatırdı. Ən böyük ziyan Mindanao adasının şimalına, Luson adasının cənubuna və Visay adalarına dəyib.

• Əfsuslar olsun ki, 4 təbliğçi həlak olub.

• 1 təbliğçi itkin düşüb.

• 12 dindaşımız xəsarət alıb.

• 2000-dən çox təbliğçi təxliyə olunub.

• 246 ev dağılıb.

• 327 evə böyük ziyan dəyib.

• 1174 evə cüzi ziyan dəyib.

• 43 ibadət evinə cüzi ziyan dəyib.

• 6 Zərərçəkənlərə yardım komitəsi təyin edilib.

• Yerli ağsaqqallar zərərçəkənlərə, o cümlədən doğmalarını itirmiş dindaşlarımıza baş çəkir və təsəlli verirlər.

• Bütün yardım işləri COVID-19 ilə bağlı təhlükəsizlik qaydalarına uyğun həyata keçirilir.

Təbii fəlakətin ziyan vurmadığı ərazilərdə yaşayan bacı-qardaşlar zərərçəkənlər üçün ərzaq və paltar ianə edirlər. Bu işə yerli ağsaqqallar nəzarət edir. Davao şəhərindən gələn ərzaq bağlamaları dərhal Suriqao şəhərində yaşayan dindaşlarımıza paylanılıb.

Bu təbii fəlakətdə bir neçə bacı-qardaşımızın həlak olduğu xəbəri bizi çox kədərləndirdi. Nə qədər ki biz son dərəcədə çətin bir vaxtda, axırzamanda yaşayırıq, yalnız Yehova Allahın verdiyi təsəlli və güc sayəsində dözə bilərik (2 Timutiyə 3:1).