Luson

• 11 noyabr 2020-ci il tarixində «Vamko» tayfunu (Filippində «Ulisis» kimi tanınır) əvvəlcə Keson əyalətinin Patnanonqan adasını, sonra isə Luson adasının böyük ərazisini viran qoydu.

• «Vamko» tayfunu bu il Filippində baş verən 21-ci tayfundur. Bu tropik siklon Filippində ən böyük daşqına səbəb olub.

• Bu tayfundan təxminən iki həftə əvvəl Filippində 2013-cü ildən bu yana ən güclü tayfunlardan biri sayılan və Lusonun bəzi ərazilərini viran qoyan supertayfun «Qoni» baş vermişdi.

• Şiddətli yağışlar və fırtına ucbatından iri su anbarlarında suyun səviyyəsi təhlükəli həddə çatmışdı. Hakimiyyət nümayəndələri anbarlarda suyu buraxmalı oldu. Nəticədə «Vamko» tayfununun zərər vurmadığı əraziləri də su basdı.

• 600-dən çox ailə evlərini tərk etməli oldu. Bəzi ailələr daşqından qorunmaq üçün evlərinin damına çıxıb orada təxliyə olunmalarını gözləyirdi.

• Şüşə parçaları bir gənc qardaşın üzünü zədələyib. O artıq sağalmaq üzrədir.

İlkin məlumatlara əsasən:

• Ən azı 6 ibadət evini və 1 tərcümə ofisini su basıb

• Ən azı 20 evə ziyan dəyib

• 1 ev tamamilə dağılıb

• Rayon nəzarətçiləri və yerli ağsaqqallar zərərçəkənləri tez bir zamanda ərzaq, içməli su və sığınacaqla təmin etdilər.

• Bəzi ailələr artıq öz evlərinə qayıdıb və təmizlik işlərinə başlayıb.

• Yardım işlərinə yeni təyin olunmuş 3 Zərərçəkənlərə yardım komitəsi nəzarət edir.

• Yardım işlərində iştirak edən dindaşlarımız COVID-19 ilə bağlı bütün təhlükəsizlik tədbirlərinə diqqətlə əməl edirlər.

Biz əminik ki, Yehova bu çətin günlərdə bacı-qardaşlarımızın mütləq qeydinə qalacaq. Tezliklə təbii fəlakətlər olmayacaq və Yehovanın xalqı rahat və arxayın yaşayacaq. Bu vaxtı səbirsizliklə gözləyirik (Zəbur 4:8).