Oktyabrın 24-ü daha öncə Şimali Marian adalarını cənginə alan «Yuta» superqasırğası çərşənbə axşamı, 30 oktyabr tarixində Filippinin ən böyük adası olan Lusonun sahillərinə gəlib çatıb. Fırtınadan sonrakı güclü leysan yağışları daşqına və intensiv torpaq sürüşmələrinə səbəb olub. Minlərlə insan təxliyyə olunub və 11 nəfər həyatını itirib.

Filippin filialı məlumat verir ki, fırtına ucbatından ölənlər və yaralananlar arasında bacı-qardaşlarımız yoxdur. Bununla belə, dindaşlarımıza məxsus 73 ev və 6 ibadət evi dağıntılara məruz qalıb. Filippin filialı yardım işləri təşkil edir.

Filippində bu il ərzində baş verən 18 qasırğadan zərər çəkən bacı-qardaşlarımızdan ötrü daima dua edirik. Onlarla birgə Yehova Allahımıza bel bağlayırıq və arxayınıq ki, O, bizə dayaq olacaq (Zəbur 55:22).