14 avqust 2021-ci il tarixində Haitinin cənub-qərb bölgəsində 7,2 bal gücündə zəlzələ baş verib. Bundan sonra daha bir neçə təkan olub. Dəymiş ziyan hələ də müəyyən edilir.

• Əfsuslar olsun ki, 3 bacımız həlak olub

• 21 bacı və qardaş xəsarət alıb

• 119 evə ziyan dəyib

• 72 ev tamamilə dağılıb

• 5 ibadət evinə cüzi ziyan dəyib

• 4 ibadət evinə ciddi ziyan dəyib

• Yardım işlərini Zərərçəkənlərə yardım komitəsi təşkil edir. Komitə iki rayon nəzarətçisi və yerli ağsaqqallarla birgə zərərçəkənlərə təsəlli verir və praktiki kömək göstərir.

• Komitə zərərçəkənlərin ədyal, paltar, ərzaq, dərman, brezent və su kimi zəruri şeylərlə təmin olunmasının qayğısına qalır. Yaralanmış bacı-qardaşların tibbi yardım alması da təşkil olunub.

• Bütün yardım işləri COVID-19 ilə bağlı təhlükəsizlik qaydalarına uyğun həyata keçirilir.

Vəziyyətin çətin olmasına baxmayaraq, zəlzələnin ziyan vurduğu ərazidə yerləşən əksər yığıncaqlar bazar günü, avqustun 15-i videokonfrans vasitəsilə görüşlərini keçirə bilmişlər. Bundan əlavə, bacı-qardaşlar «İman bizə güc verir» regional toplantısının bazar günü hissəsinə baxa bilmişlər.

Dindaşlarımızın faciəvi ölüm xəbəri bizi çox kədərləndirdi. Fəlakətin qurbanları olan dindaşlarımıza görə dua edirik. Biz bilirik ki, Yehova onların nələr çəkdiyini görür və bu dar gündə onların gücü və pənahı olacaq (Zəbur 46:1, 2).