Şənbə günü, 6 oktyabr 2018-ci il tarixində Haitinin şimalında 5,9 bal gücündə zəlzələ baş verib. Zəlzələ nəticəsində, 17 nəfər həyatını itirib və 300-dən çox insan yaralanıb.

Verilən məlumatlara əsasən, dindaşlarımız arasında ölənlər yoxdur. Bununla belə, iki təbliğçi kiçik xəsarətlərə məruz qalıb. Rayon nəzarətçilərinin verdiyi məlumatlarda bildirilir ki, 44 ev və 4 ibadət evi ziyan görüb. Port-de-Pe şəhərində təxminən 50 dindaşımız və onların yaxın ailə üzvləri təxliyyə edilib. Çünki onların evləri yaşamaq üçün təhlükəli vəziyyətdədir. Yerli yığıncaqlar bu ailələrin qayğısına qalır. Haiti filialının bir üzvü Yerli layihə-inşaat şöbəsi ilə işləyən iki qardaşla birlikdə zərəri müəyyən etmək və dindaşlarımızı ruhlandırmaq üçün zərərçəkən əraziyə baş çəkiblər. Ehtiyac duyulan yardımı təmin etmək üçün Təbii fəlakətdən zərərçəkənlərə yardım komitəsi yaradılıb.

Haitidəki bacı-qardaşlarımızı daima düşünür və onlardan ötrü dua edirik. Nə yaxşı ki, məhəbbətli Allahımız Yehova sadiq xidmətçilərinə məhəbbəti ilə təsəlli verəcəyini vəd edib (Zəbur 119:76).