İsrail və Fələstin əraziləri

• 10 may 2021-ci il tarixində İsraildə və Fələstin ərazilərində çoxlu sayda insan tələfatına səbəb olan silahlı qarşıdurma başlayıb.

• İsraillilərin və ərəblərin yaşadıqları İsrail şəhərlərində özəl və ictimai əmlaka ziyan dəyib.

• İsraildə və Fələstin ərazilərində yaşayan 2000-dən çox təbliğçidən heç birinə ziyan dəyməyib.

• 73 təbliğçi təxliyə edilib. Onların arasında sahədə xidmət edən 15 xüsusi tamvaxtlı xidmətçi də var. 13 beytelli müvəqqəti olaraq bomba sığınacağında yaşamalı olub.

• 6 evə cüzi ziyan dəyib.

• Zərərçəkənlərə yardım komitəsi rayon nəzarətçiləri və yerli ağsaqqallarla birgə zərərçəkənlərə yardım göstərir.

• Rayon nəzarətçiləri və ağsaqqallar təbliğçilərə ruhani kömək göstərirlər.

• Yardım işləri zamanı COVID-19 pandemiyası ilə əlaqədar təhlükəsizlik qaydalarına əməl olunur.

Yığıncaqlar onlayn formatda keçirildiyi üçün münaqişə onlara təsir etməyib. Mayın 15-i bacı-qardaşlar JW Stream–Studio vasitəsilə rayon toplantısının proqramına baxa bilmişlər. Nahardan sonrakı hissə həyəcan siqnalına görə üç dəfə dayandırılmışdı. Bu zaman bacı-qardaşlar pilləkənlərin arxası və ya bomba sığınacağı kimi təhlükəsiz yerlərə keçirdilər. Münaqişəyə baxmayaraq, 804 təbliğçi ivrit dilində, 297 təbliğçi isə taqal dilində keçirilən rayon toplantısına onlayn qoşula bilmişdi. Mayın 22-si İsraildə və Fələstin ərazilərində yaşayan ərəbdilli dindaşlarımızın rayon toplantısının keçirilməsi planlaşdırılır.

Belə çətin günlərdə bacı-qardaşlar Yehovadan ümidlərini üzmür və Ona sığınır (Zəbur 91:1, 2, 5).