20 fevral 2022-ci il tarixində kipende dilində İncilin «Yeni Dünya Tərcüməsi» işıq üzü gördü. Bu tərcümənin elektron versiyasının buraxılışı barədə Konqo (Kinşasa) filialının komitə üzvü Nikolas Hifinger elan etdi. Qardaşın qabaqcadan yazıya alınmış çıxışına təxminən 10 000 təbliğçi baxdı. Kitab çap formatda 2022-ci ilin aprel ayında buraxılacaq.

1960-cı illərdə Makanda Madinqa Henri adlı bir kişiyə «Gözətçi qülləsi» jurnalı verildi. Beləcə, kipende dilində təbliğ işinin təməli qoyuldu. Makanda jurnalı oxuduqdan sonra həqiqəti tapdığını başa düşdü və öyrəndiklərini başqalarına danışmağa başladı. Sonradan o vəftiz olunaraq Yehovanın Şahidi oldu. Daha sonra, 1979-cu ildə Kiefu şəhərində kipende dilində ilk yığıncaq təşkil edildi.

Bacı-qardaşlar yeni tərcüməni həm şəxsi mütaliələrində, həm də təbliğ xidmətində geniş istifadə edə biləcəklər. Nikolas qardaş çıxışında dedi ki, bu tərcümə «dəqiq və aydındır» və «Yehovanın adı orijinal mətndə olduğu hər yerdə bərpa olunub».

Allahdan diləyimiz odur ki, «Yeni Dünya Tərcüməsi» dindaşlarımıza «hər bir yaxşı işdə bəhrə [gətirməyə] və get-gedə Allahı yaxından [tanımağa]» kömək etsin (Koloslulara 1:10).