2024-cü il oktyabrın 20-si «Oskar» qasırğası Barakoa şəhərinin (Kuba, Quantanamo vilayəti) yaxınlığına çatdı. 1-ci kateqoriyaya aid olan qasırğanın yaratdığı küləyin sürəti saatda 120 kilometrə çatdı və ərazinin elektrik sistemini sıradan çıxardı. Kubanın şərqində 38 santimetrə qədər yağış yağdı. Nəticədə, evləri, iş yerlərini və tarlaları su basdı. Quantanamo vilayətində 2000-dən çox evə ziyan dəydi və ən azı 7 nəfər həyatını itirdi.

• Təəssüf ki, yaşlı bir bacımız həlak olub

• 2 təbliğçi cüzi xəsarət alıb

• 14 təbliğçi təxliyə olunub

• 13 ev dağılıb, onlardan ikisində yığıncaq görüşləri keçirilirdi

• 22 evə ciddi ziyan dəyib

• 5 evə cüzi ziyan dəyib

• Filial nümayəndələri, rayon nəzarətçiləri və ağsaqqallar daşqından zərərçəkənlərə ruhani və əməli kömək göstərir

• Yardım işlərinə nəzarət etmək üçün 2 Zərərçəkənlərə yardım komitəsi yaradılıb

Qasırğanın səbəb olduğu dağıntılara və insan itkisinə görə dərin kədər hissi keçiririk. Əminik ki, Yehova Ona güvənənləri tək qoymayacaq (Zəbur 55:22).