BUDAPEŞT, Macarıstan. Budapeştdəki Xatirə mərkəzində nasist dövründə əzab çəkmiş dörd Yehovanın Şahidinin şərəfinə xatirə lövhəsi qoyulub. Bu mərasim 11 dekabr 2015-ci il tarixində baş tutub.

Layoş Deli, Antal Höniş, Bertalan Sabo, Yanoş Sjondor adlı bu dörd nəfər Macarıstanın Oxlu Xaç Nasist Partiyası tərəfindən 1945-ci ilin martında II Dünya müharibəsi zamanı əsgərlikdən imtina etdikləri üçün Körmend və Şarvar şəhərlərində ictimai edam edilmişdilər. Xatirə lövhəsində onların adlarının yanından Həvarilərin işləri 5:29 ayəsindəki: «Biz insanlara yox, hökmdarımız Allaha itaət etməliyik» sözləri yazılıb.

Sosial məsələlər üzrə dövlət katibinin müavini Çaba Latorkai çıxışına bu sözlərlə başlamışdı: «Bu lövhə dörd gənc Yehovanın Şahidinin xatirəsinə həsr edilmişdir,.. Yehovanın Şahidi olduqları üçün onlar Allahın “qətl etməyəcəksən” əmrinə sadiq qaldılar və vicdanları yol vermədiyi üçün nə dindaşlarına, nə də başqalarına silah qaldırmadılar».

Açılış mərasimində çıxış edən digər natiq Holokost Xatirə Mərkəzinin direktoru Sabotç Sita demişdi: «Xatirə lövhəsinin açılışı bir qələbədir, çünki Yehovanın Şahidlərinin nasist rejimi zamanı əzab çəkmələri illərlə unudulmuşdu. Edam edilən bu dörd gəncin imanı o qədər çox idi ki, ölümlə üzləşsələr də, sadiq qaldılar. Onlar bizim üçün örnəkdirlər».

Əlaqə üçün:

Beynəlxalq: məlumat xidməti, Deyvid Semonian, tel.: +17185605000

Macarıstan: Andras Simon, tel.: +3614011118