27 may 2023-cü il tarixində Madaqaskarın Antananarivu şəhərində ibadət evinin yaxınlığında yerləşən Müqəddəs Kitab məktəbi üçün yeni binanın həsrolunma mərasimi keçirildi. Rəhbərlik Şurasının üzvü Kennet Kuk qardaş «Yehovaya həmdlər ucaldan bina» adlı nitqlə çıxış etdi. Növbəti gün toplantı zalında xüsusi proqram keçirildi. Bu proqramın yayımına 45 000-dən çox insan baxdı.

1999-cu ilin dekabr ayından Müqəddəs Kitab məktəbləri Madaqaskar filialında keçirilirdi. Amma vaxt keçdikcə bu məktəblərdə oxumaq istəyən çoxsaylı bacı-qardaşları filialda yerləşdirmək çətinləşdi. 2020-ci ilin iyul ayında filialın yaxınlığında yerləşən 1348 kvadratmetrlik ərazi alındı. Qısa müddət sonra tikinti işləri başlandı. COVID-19 pandemiyası ilə bağlı məhdudiyyətlərə baxmayaraq, tikinti iki ilə qurtardı. Tikilən bir bina məktəb, digər bina isə şagirdlərin və müəllimlərin yaşaması üçün nəzərdə tutulub. Padşahlıq Müjdəçiləri Məktəbi və Rayon Nəzarətçiləri və Həyat Yoldaşları üçün Məktəb bu binalarda keçiriləcək.

Bu məktəblərdə alınan təlim bacı-qardaşlarımıza «ruhani məsələləri ruhani sözlərlə izah» etməyə daha da kömək edəcək (1 Korinflilərə 2:13).