20 iyun 2021-ci il tarixində Mərkəzi Amerika filialının komitə üzvü Robert Batko çol dilində elektron formatda İncilin «Yeni Dünya Tərcüməsi»nin buraxılışını elan etdi. Proqram qabaqcadan yazıya alınmışdı. Ona təxminən 800 nəfər baxdı.

• Çol dili yerli dillərdən biridir. Bu dildə Meksikanın cənub-şərqində yerləşən Çyapas ştatında danışırlar.

• Çol dilində 200 000-ə yaxın adam danışır.

• Çol dilində fəaliyyət göstərən 22 yığıncaqda və 2 qrupda 500-dən çox təbliğçi xidmət edir.

• Layihə üzərində 3 tərcüməçi 2 il 3 ay işləyib.

Tərcümə işində iştirak etmiş bir qardaş deyib: «Bu yeni tərcümədə gündəlik həyatda istifadə etdiyimiz sözlər istifadə olunub. Kitabın hər fəslini oxumaq mənə zövq verir».

Başqa qardaş deyib: «Müqəddəs Kitabı ispan dilində oxuya bilirəm, ancaq onu doğma çol dilində oxuyanda ürəyim sevinir. Elə bil evdə bişirilən yeməyi yeyirsən».

Əminik ki, bu yeni tərcümə çol dilində danışan bacı-qardaşlara ruhani «dəfinə»nin axtarışında gözəl yardımçı olacaq (Məsəllər 2:4, 5).