MEXİKO. Yehovanın Şahidlərini Qvadalaxara Beynəlxalq Kitab Sərgisinə dəvət etmişdilər. Bu sərgi ispandilli ölkələrin ən böyük sərgisidir. O həmçinin Almaniyadakı Frankfurt kitab sərgisindən sonra dünyanın ən böyük ikinci sərgisi hesab edilir. Bu sərgi 29 noyabr — 7 dekabr 2014-cü il tarixlərində keçirildi. Sərgiyə gələnlərin sayı 760000-dən çox idi.

44 ölkədən təxminən 1900 nəşriyyat arasında Yehovanın Şahidləri də Müqəddəs Kitab və ona əsaslanan ədəbiyyatları, xüsusilə də ailələr, yeniyetmələr və uşaqlar üçün nəzərdə tutulmuş nəşrləri öz guşələrində nümayiş etdirdilər.

Yehovanın Şahidlərinin Meksikadakı nümayəndəsi Qamaliel Kamarillo deyir: «Bu dörd gün ərzində bizim guşəni 10000-dən çox adam ziyarət etdi. Biz bu sərgidə pulsuz olaraq 29000 nəşr payladıq. Ancaq məqsədimiz təkcə ədəbiyyat paylamaq deyil. Jurnal və kitablarımız hər gün milyonlarla insana fayda verən Müqəddəs Kitabdakı müdrik məsləhətlərə əsasən tərtib edilib».

Əlaqə üçün:

Beynəlxalq: məlumat xidməti, C. R. Braun, tel.: +17185605000

Meksika: Qamaliel Kamarillo, tel.: +525551333048