Perunun Lima şəhərində 3000-ə yaxın Yehovanın Şahidi Panamerika və Para-panamerika Oyunları ilə əlaqədar xüsusi təbliğ kampaniyasında iştirak edir. 26 iyul 2019-cu il tarixində başlayan və sentyabrın 1-i başa çatacaq bu oyunlarda 8500-dən çox atlet iştirak edəcək. Hesablamalara görə, tədbirlər 250000 turist cəlb edəcək.

Gələn çoxsaylı qonaqlara şəhadət vermək məqsədilə təbliğçilər 53 yerdə 100 ədəbiyyat arabası quraşdırıb. Nəşrlərimiz aymara, ingilis, fransız, portuqal, keçua (Ayakuço) və ispan dillərində təqdim edilir. Eşitmə qabiliyyəti olmayan, yaxud zəif olan insanlar isə ədəbiyyat arabalarına yaxınlaşıb Peru jest dilində videolara baxa bilər.

Kampaniyaya nəzarət işində kömək edən qardaşımız Kemps Moran Urtado deyir: «Müxtəlif ölkələrdən olan insanlar bu tədbirlərə maraq göstərir. Buna görə bu kampaniya sayəsində bizim fərqli-fərqli mədəniyyətlərdən olan insanlarla söhbət etmək imkanımız olacaq. İctimai şahidlik Müqəddəs Kitab üzrə maarifləndirmə işimizin vacib yönlərindən biridir, onun sayəsində insanlar Yehovanın Şahidləri ilə tanış olur».

Təbliğ fəaliyyətində bu cür artım haqqında eşitmək bizi çox sevindirir. Biz əminin ki, Yehova insanların olduğu hər yerdə təbliğ edən Perudakı bacı-qardaşlarımızın işini mükafatsız qoymayacaq (Həvarilərin işləri 17:17).