7 yanvar 2020-ci il tarixində Puerto-Rikoda 6,4 bal gücündə zəlzələ baş verib. Bu zəlzələdən sonra yüzlərlə kiçik zəlzələlər və yeraltı təkanlar qeydə alınıb. 11 yanvar 2020-ci il tarixində adada 5,9 bal gücündə daha bir zəlzələ baş verib.

Fəlakət zonasında yaşayan əksər insanlar hələ də işıqsızdır və çöldə yaşayırlar. ABŞ filialının verdiyi məlumata əsasən, bacı-qardaşlar arasında ölən və xəsarət alan yoxdur. Bununla belə, 248 nəfər evlərini tərk etməli olub. Təbliğçilərin yaşadığı 8 ev dağılıb, 70-nə ziyan dəyib. On ibadət evinə də ziyan dəyib. Təbii fəlakətdən zərərçəkənlərə yardım komitəsi yerli rayon nəzarətçiləri ilə birgə zərərçəkmiş təbliğçilər üçün yardım işlərini təşkil edir, onlara baş çəkirlər.

Vəziyyət çətin olsa da, qardaşlar ruhani işlərindən qalmırlar. ABŞ filialında Məlumat xidmətinin fəaliyyətinə nəzarət edən Robert Hendriks deyib: «Zəlzələlər Puerto-Riko üçün adi hal deyil, buna görə də bu fəlakət bacı-qardaşlara xeyli narahatçılıq yaşadıb. Buna baxmayaraq, onların müsbət əhval-ruhiyyədə qalmaları bizi çox ruhlandırır. İşıqsız və susuz qalsalar da, onlar şəraitlərinin imkan verdiyi qədər yığıncaqlarda iştirak edir və təbliğ edirlər. Ağsaqqallar da çox iş görür: onlar ehtiyacı olanların hamısına baş çəkir, ruhlandırır və ürək-dirək verirlər».

Bacı-qardaşların təbii fəlakətin nəticələrindən əziyyət çəkdikləri bir halda, ruhani işləri qiymətləndirdiklərini görmək bizi ruhlandırır. Dua edirik ki, Yehova onlara bundan sonra da qəlb rahatlığı versin (Zəbur 119:165).