1 iyul 2021-ci il tarixində Çelyabinskin Metallurqiçeski Rayon Məhkəməsi 75 yaşlı qardaşımız Vladimir Suvorovu altı il müddətinə şərti həbs cəzasına məhkum etdi.

Vladimir Suvorov

• Doğulduğu il: 1946 (Çelyabinsk)

• Bioqrafiya. Maşinist və teatrda aktyor işləyib. Sovet hakimiyyəti illərində mədəniyyət sarayının direktor müavini vəzifəsində çalışıb. Mahnı bəstələməyi və gitara çalmağı sevir..

  1973-cü ildə Valentina ilə evlənib. 1993-cü ildə Yehovanın Şahidi kimi vəftiz olunub. İqor adında bir oğlu var idi. 2014-cü ildə o, xərçəng xəstəliyindən vəfat etdi.

16 yanvar 2020-ci il tarixində Çelyabinskdə 75 yaşlı qardaşımız Vladimir Suvorov barədə cinayət işi açıldı. Çelyabinsk vilayəti üzrə müstəntiq Vladimiri dini mərasimlər təşkil etməkdə, o cümlədən dini nəğmələr oxumaqda, dua etməkdə və Müqəddəs Kitabı müzakirə etməkdə ittiham etdi.

2020-ci ilin fevral ayında Vladimiri sorğu-sual etməyə başladılar və ondan başqa yerə getməmək barədə iltizam götürdülər. 17 iyun 2020-ci il tarixində ona qarşı rəsmi ittiham irəli sürüldü. Vladimir deyir ki, bu ədalətsizlik həyatda üzləşdiyi ən böyük çətinliklərdən biridir. Ancaq o əlavə edir: «Yehova bizi atmır... Onunla münasibətlərimiz günü-gündən möhkəmlənir. Valentina ilə Yehovanın bizə necə dayaq olduğunu hiss edirik. O hətta başqa yığıncaqlardan olan bacı-qardaşlar vasitəsilə bizi ruhlandırır, bizə güc və təsəlli verir».

11 mart 2021-ci il tarixində 73 yaşlı Valentina iki il müddətinə şərti həbs cəzasına məhkum edildi. Onun işinə Vladimirin işinə baxan məhkəmə baxmışdı. Ər-arvad əmindir a ki, Yehova bundan sonra da onların tərəfində olub onlara dayaq olacaq (Zəbur 118:6).