11 iyul 2023-cü il tarixində Novokuznetsk Şəhərinin Kuznetski Rayon Məhkəməsi Lyubov Serebryakova bacını təqsirli bilərək onu dörd il müddətinə şərti həbs cəzasına məhkum etdi. Cəza şərti olduğu üçün bacı həbsxanaya salınmayacaq.

Lyubov bacının Yehovaya etibarı sonsuzdur, çünki bilir ki, Yehova onun işini hasil edəcək. Biz də bu cür çətinliklərlə üzləşəndə bacıdan örnək ala bilərik (Zəbur 37:5).

1. 2019-cu ilin noyabrından 2020-ci ilə qədər

   Novokuznetsk şəhərində yaşayan bir neçə Yehovanın Şahidi səs və izləmə cihazı vasitəsilə gizlin izlənilməyə başladı.

2. 8 iyul 2022-ci il

   Yehovanın Şahidlərinin ibadət görüşlərində iştirak etdiyinə və başqaları ilə Müqəddəs Kitab əsasında söhbətlər apardığına görə Lyubov bacının barəsində cinayət işi açıldı.

3. 26 iyul 2022-ci il

   Ekstremist təşkilatın fəaliyyətində iştirak etməkdə ittiham olundu. Ondan başqa yerə getməmək barədə iltizam alındı.

4. 21 sentyabr 2022-ci il

   Cinayət işi üzrə məhkəmə icraatı başladı.