20 iyun 2023-cü il tarixində Rostov Vilayətinin Taqanroq Şəhər Məhkəməsi qardaşlarımız Aleksandr Skvortsov və Valeri Tibiyi təqsirli bildi. Aleksandr yeddi il müddətinə həbsə məhkum edildi. O, 7 dekabr 2021-ci il tarixindən həbsxanada idi və məhbusluq müddəti bitənədək həbsdə qalacaq. Valeriyə isə altı il müddətinə şərti həbs cəzası təyin olundu. O, 18 may 2022-ci il tarixindən həbsdə idi. Qərardan sonra Valeri azad edildi.

Məhəbbətinə, verdiyi göstərişlərə görə Yehovaya minnətdarıq. Bunların sayəsində qarşımıza çıxan istənilən sınaqlara dözə bilirik (Zəbur 5:12).

1. 20 mart 2021-ci il

   Skvortsovların evində axtarış aparılır

2. 7 dekabr 2021-ci il

   Taqanroqda Yehovanın Şahidlərinin yaşadığı 29 evdə axtarış aparılan zaman Skvortsovların evində ikinci dəfə axtarış aparılır. Aleksandr qardaşa qarşı ittiham irəli sürülür və o, müvəqqəti saxlama kamerasına salınır

3. 8 dekabr 2021-ci il

   Aleksandr məhkəməyədək həbsə salınır

4. 29 mart 2022-ci il

   Valeriyə qarşı cinayət işi açılır

5. 31 mart 2022-ci il

   Müstəntiqlər Aleksandr və Valerinin cinayət işlərini birləşdirir

6. 18 may 2022-ci il

   Valeri həbs olunur və istintaq təcridxanasına salınır

7. 26 may 2022-ci il

   Valeri məhkəməyədək həbsə salınır

8. 6 dekabr 2022-ci il

   Cinayət işi üzrə məhkəmə icraatı başlayır

9. 20 iyun 2023-cü il

   Aleksandr yeddi il həbsə, Valeri isə altı il şərti həbs cəzasına məhkum edilir