21 noyabr 2022-ci il tarixində Çelyabinsk Vilayətinin Aşa Şəhər Məhkəməsi qardaşımız Andrey Perminovu təqsirli bilərək altı il müddətinə şərti həbs cəzasına məhkum etdi. Cəza şərti olduğu üçün qardaş həbsə salınmayacaq.

1. 11 iyun 2021-ci il

   Aşa və Minyar şəhərlərində Andrey qardaşın da evi daxil olmaqla, Yehovanın Şahidi olan beş ailənin evində axtarış aparılıb. Onların çoxlu şəxsi əşyası müsadirə olunub.

2. 10 noyabr 2021-ci il

   Ondan başqa yerə getməmək barədə iltizam götürüldü.

3. 27 aprel 2022-ci il

   Ekstremist təşkilata mənsub olmaqda təqsirli bilindi və adı terroristlər siyahısına daxil edildi.

4. 6 iyun 2022-ci il

   Cinayət işi üzrə məhkəmə icraatı başladı.

Yehovanın keçmişdəki xidmətçilərinə dayaq olması Andrey qardaş kimi, bizə də cəsarət verə bilər. Yehova deyib: «Həmişə etdiyim kimi, sizi gəzdirəcəyəm, sizi daşıyacağam, sizi xilas edəcəyəm» (Əşiya 46:4). Biz Onun verdiyi sözə şəkk-şübhə etmirik.