6 iyun 2022-ci il tarixində Çita Sentralnı Rayon Məhkəməsi Vladimir, Sergey, İqor və Aleksandr barəsində qərarını elan etdi. Sergey altı il müddətinə şərti həbs cəzasına məhkum edildi. Vladimir, İqor və Aleksandr isə altı il yarım müddətinə həbsə məhkum edildilər. Qərar dərhal qüvvəyə mindi.

1. 16 mart 2021-ci il

   İş üzrə məhkəmə araşdırması başladı.

2. 2 fevral 2021-ci il

   Vladimir, Sergey, İqor və Aleksandrı rəsmi olaraq qadağan edilmiş təşkilatın fəaliyyətini təşkil etməkdə ittiham etdilər.

3. 3 aprel 2020-ci il

   Vladimiri ev dustaqlığından azad etdilər.

4. 15 fevral 2020-ci il

   Sergey beş gündən sonra istintaq təcridxanasından azad edildi.

5. 12 fevral 2020-ci il

   İqor və Aleksandr istintaq təcridxanasından azad edildilər. Sergeyin həbs müddəti 72 saat uzadıldı, Vladimiri isə 52 günlük ev dustaqlığına göndərdilər.

6. 10 fevral 2020-ci il

   FTX əməkdaşları Baykalarxası diyarda Yehovanın Şahidlərinin yaşadığı 50 evdə, o cümlədən yaşlı və əlil dindaşlarımızın evlərində axtarış apardılar. Bir ailədə həddi-büluğa çatmayan uşağı anası və balaca bacısının gözü qabağında döydülər. Bir qardaşa işgəncə verdilər. Axtarış bitdikdən sonra, İqor, Aleksandr, Sergey və Vladimir də daxil olmaqla, on qardaş tutuldu.

Hakimiyyət orqanlarının güclü təzyiqinə rəğmən, Dənyal və onun üç dostu kimi ürəklərində Yehovaya sadiq qalmağı qət edən bu qardaşların möhkəm imanı bizim üçün gözəl örnəkdir (Dənyal 1:8).