Xabarovskun Jeleznodorojnı Rayon Məhkəməsinin hakimi İvan Belıx 52 yaşlı qardaşımız Valeri Moskalenkonun cinayət işi üzrə qərarın elan olunmasını 2 sentyabr 2019-cu il tarixinə təyin edib.

İvan Moskalenko 2 avqust 2018-ci il tarixində Federal Təhlükəsizlik Xidmətinin (FTX) və polis dəstəsinin səhər saatlarında evinə keçirdiyi reyd zamanı saxlanılaraq məhkəməyəqədər həbsə yerləşdirilmişdi. Hüquq-mühafizə orqanlarının əməkdaşları onu həbs etməzdən öncə təxminən beş saat evində axtarış aparıb. Bir ildən çoxdur məhkəməyəqədər həbsdə saxlanıldığını nəzərə alsaq, ehtimal var ki, o da, Dennis Kristensen kimi, məhkum edilib həbsə salınacaq.

18 dekabr 2018-ci il tarixində Avropa İnsan Hüquqları Məhkəməsinə (AİHM) «Moskalenko Rusiyaya qarşı» ərizəsi verilib. Ümumilikdə, Rusiyaya qarşı AİHM-ya 50-dən çox ərizə verilib və Rusiya hökuməti onlardan 34-ü barədə artıq məlumatlandırılıb.

Bütün təqiblərə və çəkdikləri əziyyətlərə baxmayaraq, dözüm və iman göstərdiklərinə görə Rusiyadakı bacı-qardaşlarımızla fəxr edirik. Tamamilə aydındır ki, Yehova onlarladır və onları xeyir-dualandırır. Yehovaya dua edirik ki, gələn həftə veriləcək qərardan asılı olmayaraq, sevinclə dözüm göstərməsi üçün Valeri Moskalenkoya güc versin (2 Salonikililərə 1:4).