18 dekabr 2020-ci il tarixində a Rostov-Don şəhərinin Leninski Rayon Məhkəməsində qardaşımız Semyon Baybakın işi üzrə qərarın elan edilməsi gözlənilir. Prokuror onun üçün dörd il şərti həbs cəzası istəyib.

Semyon Baybak

• Doğulduğu il: 1997 (Rostov-Don)

• Bioqrafiya. Böyük qardaşı və bacısı var. Çin dilini öyrənib. Çin dilindən dərs deyir. Kitab oxumağı və şeir yazmağı sevir.

• Yehova barədə uşaqlıqda valideynlərindən öyrənib. Müqəddəs Kitab nəsihətlərinin nə qədər hikmətli olduğunu görəndə onlara əməl etmək qərarına gəldi. Əqidəsinə görə hərbi xidmətdən imtina edib. 2015—2017-ci illərdə alternativ mülki xidməti yerli uşaq xəstəxanasında sanitar işləməklə icra edib.

22 may 2019-cu il tarixində ekstremizm əleyhinə mübarizə mərkəzinin əməkdaşları Rostov-Don şəhərində 13 dindaşımızın evinə reyd keçirdi. İki həftədən sonra, 6 iyun 2019-cu il tarixində Semyon qardaşa qarşı cinayət işi açıldı. Onu saxlayıb istintaq təcridxanasına saldılar. Məhkəmə iclasından sonra onu iki ay müddətinə ev dustaqlığına keçirdilər. Bu müddət yeddi dəfə uzadıldı.

Semyonu əvvəl-əvvəl dini yığıncaqlarda iştirak etməkdə və öyrəndiklərini başqaları ilə bölüşməkdə ittiham etdilər. 2019-cu ilin noyabr ayında bu «cinayət əməllərinə» «ekstremist» təşkilatı maliyyələşdirmə ittihamı da əlavə olundu.

Rusiyada bacı-qardaşlarımıza qarşı yönəldilmiş təqiblər səngimək bilmir. Lakin biz əminik ki, «sülh Allahı» olan Yehova «iradəsini icra [etmələri]» üçün onlara lazım olan hər şeyi verəcək (İbranilərə 13:20, 21).