21 iyun 2021-ci il tarixində Yəhudi Muxtar Vilayətinin Birobican Rayon Məhkəməsi Yevgeni Yeqorovu iki il yarım müddətinə şərti həbs cəzasına məhkum etdi.

Yevgeni Yeqorov

• Doğulduğu il: 1991 (Birobican)

• Bioqrafiya. Onu anası və nənəsi böyüdüb. Peşəsi texnik-elektrikdir. Çilingər-təmirçi işləyir. Kitab oxumağı sevir, yazıçılıqla məşğul olur. Bir roman və şeirlər toplusu dərc edib. 2005-ci ildə Yehovanın Şahidi kimi vəftiz olunub. 2019-cu ilin sentyabr ayında Kseniya ilə evlənib. 2020-ci ilin avqust ayında oğlu dünyaya gəlib.

2018-ci ilin may ayında Federal Təhlükəsizlik Xidməti (FTX) Birobican şəhərində kütləvi reydlər keçirmişdi. Toyundan bir qədər əvvəl Yevgenini dininə etiqad etməkdə və Müqəddəs Kitabı oxumaqda ittiham etdilər. Ondan başqa yerə getməmək barədə iltizam götürüldü. Yevgeninin anası Larisa Artamonovaya qarşı da oğlunun toyundan dərhal sonra ittihamlar irəli sürüldü. 2019-cu ilin dekabr ayında Birobican Rayon Məhkəməsində Yevgeninin cinayət işi üzrə araşdırma başladı.

Yevgeninin sözlərinə görə indi o özünü Yehovaya daha yaxın hiss edir. Qardaş deyir: «Həyatımın ən çətin anlarında Yehova məni sakitləşdirir və “insan gücündən üstün olan” güc verirdi» (2 Korinflilərə 4:7).

Yevgeni bilir ki, Yehovanın köməyinə bel bağlaya bilər, bununla belə, o, gələcək sınaqlara əqlən və ruhən hazırlaşmalıdır: «Mənim üçün ən vacibi, vəziyyətdən asılı olmayaraq, Yehova ilə münasibətlərimi möhkəmləndirməyə davam etməkdir».

Biz əminin ki, Yevgeni, Kseniya və Rusiyadakı bütün bacı-qardaşlar, sınaqlara baxmayaraq, Zəbur 10:17 ayəsindən güc alacaqlar: «Sən həlimlərin diləyini eşidərsən, ey Yehova, onları ürəkləndirərsən, səslərini diqqətlə dinləyərsən».