23 oktyabr 2020-ci il tarixində Kirov Şəhərinin Oktyabrski Rayon Məhkəməsi Anatoli Tokarevi məhkum edərək 500 000 rubl (6552 ABŞ dolları) məbləğində cərimə edib. Qərardan şikayət vermək üçün onun on gün vaxtı var.

Məhkəmədə son çıxışı zamanı Anatoli Tokarev cəsarətlə deyib: «Cinayət işi ilə əlaqədar hüquq-mühafizə orqanlarının əməkdaşları mənə deyirdilər: “Ya sən imanından dönəcəksən, ya da... səni açıq şəkildə və sərt cəzalandıracağıq”. Möhtərəm hakim, məhkəmə iclasının birinci günündə də demişdim, bir daha da deyirəm: Allaha imanımdan dönə bilmərəm... Təbii ki, həbs və ölüm qorxusu, bütün Yehovanın Şahidləri kimi, məni də qorxudur, ekstremist damğası isə adıma yaxılan əsassız ləkədir. Bununla belə, Möhtərəm hakim, mən imanımdan dönüb Allahın məhəbbətindən məhrum ola bilmərəm»